Tags-Yaad

phir bahār aa.ī hai jī umDā hai yād-e-dost meñ
dil kare zaarī aur āñkheñ ashk-bārī in dinoñ

kyā maza ho na rahe yaad jo andāz-e-jafā
maiñ kahūñ bhī ki satāo to satā.e na bane

kisī kī yaad kā mahtāb Dūbne ko hai
maiñ phir se shab kī tahoñ meñ utarne vaalā huuñ

bhuul baiThā huuñ us kī sab bāteñ
ve magar yaad aa rahā hai mujhe

rah-o-rasm-e-ishq pe rakh nazar ho jahān-e-nau kā payāmbar
na to ahd-e-rafta ko yaad kar na fareb-e-charḳh-e-kuhan meñ aa

ye khulā na ham pe ki tū kahāñ mai-e-sher pī ke nikal gayā
tujhe yaad karte haiñ 'arsh' sab kabhī phir bhī bazm-e-suḳhan meñ aa

ye zamāna vo nahīñ muñh se nikāle haq koī
yaad kar mansūr par kyā hashr barpā ho gayā

tujhe bhuul gayā kabhī yaad nahīñ kartā tujh ko
jo baat bahut pahle karnī thī ab kī hai

kab is se qabl nazar meñ gul-e-malāl khilā
kisī kī yaad meñ lekin ye ab ke saal khilā

isī tarah se tirī yaad gul khilātī rahī
ki zaḳhm bharne lagā jab to indimāl khilā

jab bhī mujh ko apnā bachpan yaad aatā hai
bachpan ke ik pyaar kā bachpan yaad aatā hai

dekh ke is muñh-zor javānī kī muñh-zorī
mujh ko is kā totlā bachpan yaad aatā hai

aurat maañ thī bahan thī daadī thī naanī thī
kore kāġhaz jaisā bachpan yaad aatā hai

tūfānī bārish ghar meñ sailāb kā aalam
ThanDā chūlhā bhūkā bachpan yaad aatā hai

tanhā.ī kā dukh to kam ho kisī bahāne
dekheñ kis kā kis kā bachpan yaad aatā hai

shahd ke jaisī mīThī bolī yaad aatī hai
duudh ke jaisā ujlā bachpan yaad aatā hai

bachpan ke yāroñ se miltā rahtā huuñ maiñ
'qaisar' mujh ko sab kā bachpan yaad aatā hai

dil ke darvāze pe jab bhī yaad kī dastak huī
maiñ tasavvur meñ jigar apnā rafū kartī rahī

aa.e haiñ yaad tujh se bichhaḌ kar vo log bhī
jin se ta.alluqāt bigaḌne kā ġham na thā

mahkā hai zaḳhm zaḳhm havā.eñ haiñ manchalī
barsā hai terī yaad kā sāvan galī galī