Tags-Yaad

tirī maḳhmūr sī muskān abhī dekhī to yaad aayā
mirī muskān par ik din mujhe maañ ne batāyā thā ki chhoTā thā to aksar niiñd meñ maiñ muskurātā thā

yaad the ham ko javānī meñ to sau makr-o-fareb
ik karishma thā tumheñ daam meñ laanā sāhab

bahut dinoñ se koī hādsa nahīñ guzrā
kahīñ zamāne ko ham yaad phir na aa jaa.eñ

kaifiyyateñ attār ke lauñDe meñ bahut thiiñ
is nusḳhe kī koī na rahī haif davā yaad

yaad haiñ vo din ab tak jab hasīn rātoñ meñ
terī gungunāhaT par merī naġhma-ḳhvānī thī

yaad rahe
chāhatoñ kā ye shahr

jo kuchh ki thā vazā.if-o-aurād rah gayā
terā hī ek naam faqat yaad rah gayā

be-ḳhudī ye dam-e-ruḳhsat thī ki sab kuchh bhūlā
un kī bāteñ bhī mujhe yaad rahīñ thoḌī sī

un se kuchh kah na sakā maiñ shab-e-ġham kī bāteñ
go ki bhūlā thā magar yaad bhī thiiñ thoḌī sī

yaad kuchh aa ke ye hālat huī merī ki na pūchh
pichhlī ghaḌiyāñ shab-e-ġham kī jo rahīñ thoḌī sī

hameñ to yaad nahīñ koī lamha-e-ishrat
kabhī tumhīñ ne kisī din hañsā diyā hogā

yaad kyā kyā log dasht-e-be-karāñ meñ aa.e the
rañg lekin kab ye chashm-e-ḳhūñ-fishāñ meñ aa.e the

rah gayā 'mushtāq' dil meñ rañg-e-yād-e-raftagāñ
phuul mahñge ho ga.e qabreñ purānī ho ga.iiñ

miTegā zehan se kab terī yaad kā afsūñ
hazār sadiyoñ se ye bojh hai uThāyā huā

zamāna yaad kare yā sabā kare ḳhāmosh
ham ik charāġh-e-mohabbat jalā.e jaate haiñ

yaad rakhnā hī nā-guzīr hai kyuuñ
kabhī tujh ko bhulā bhī saktā maiñ

bhūlī-bisrī bātoñ se kyā tashkīl-e-rūdād kareñ
ham ko to kuchh yaad nahīñ hai aap hī kuchh irshād kareñ

pahle-pahal jab aap kā joban itnā shahr-āshob na thā
ik mushtāq se sāda-dil insāñ kī parastish yaad kareñ

saare qur.ān se us parī-rū ko
yaad ik lafz-e-lan-tarānī hai

fikr-o-masā.il yād-e-jānāñ
garm havā.eñ ThanDā paanī