Tags-Yaad

zindagī chhoḌ ga.ī be-sar-o-sāmān mujhe
umr-bhar yaad rahā aap kā ehsān mujhe

hamārī yaad ke kashkol ḳhālī haiñ
hamārī ruuh kā naġhma kahāñ hai?

tumhārī yaad se hai vo charāġhāñ
kī aañsū bhī sitārā ho gayā hai

māsūm hai yaad un kī bhaTak jaa.e na rasta
ḳhūñ-gashta tamannāoñ kī kyuuñ bhiiḌ lagī hai

zaḳhm khāne ke din ga.e lekin
yaad ke zaḳhm to mahakte haiñ

tumhārī yaad jo ab mar chukī hai
maiñ us dafan kar duuñ yā jalā.ūñ

guzārish hai na mujh ko yaad aa.e
tamannā hai na tujh ko yaad aa.uuñ

tumhārī yaad se achchhā nahīñ hotā koī aalam
mayassar jin ko ho jaa.e baḌī taqdīr vaale haiñ

yaad sahrā kī hujūm-e-shahr meñ
zindagī kā ḳhvāb bīmāroñ ke beach

kyuuñ yaad 'shamīm' aa jaate haiñ vo apnī mohabbat ke lamhe
jab ishq ke qisse suntā huuñ jab husn kī bāteñ hotī haiñ

yaad bhī aatā nahīñ kuchh bhūltā bhī kuchh nahīñ
yā bahut masrūf huuñ maiñ yā bahut fursat meñ huuñ

yaad jis kī hameñ sone nahīñ detī aksar
us sitamgar kī bhī ab niiñd churā lī jaa.e

yā phir
isī ek yaad ko unvān de duuñ ziist kā

maiñ tujhe bhuul na paayā to ye chāhat hai mirī
yaad rakkhā hai jo tū ne tirā ehsāñ jānāñ

dīda-o-dil jise ab yaad kiyā karte haiñ
vahī chehra vahī āñkheñ vo javānī de de

chupke chupke rote haiñ muñh par dupaTTa taan kar
ghar jo yaad aayā kisī kā apne ghar meñ aan kar

āñkhoñ meñ tirī shakl hai dil meñ hai tirī yaad
aa.e bhī to kis shaan se furqat ke din aa.e

yaad kī gudḌī ko maiñ ne ek din pahnā nahīñ
ek din ke hijr meñ saarī balā.eñ mar ga.iiñ

chaman meñ haa.e vo ik barg-e-zard kā kahnā
bahār-e-hāl meñ yād-e-guzishta-sāl huuñ maiñ

baare duniyā meñ raho ġham-zada yā shaad raho
aisā kuchh kar ke chalo yaañ ki bahut yaad raho