Tags-Yaad

mohabbat tujh se thī qabl-az-mohabbat
kuchh aisā yaad mujh ko aa rahā hai

tumhārī yaad nikaltī nahīñ mire dil se
nasha chhalaktā nahīñ hai sharāb se bāhar

yaad aate haiñ ab bhī rah rah kar
shahr meñ kuchh to aise chehre the

jaane kis gul-badan kī yaad aa.ī
fasl-e-gul meñ udaas baiThe the

yaad meñ us gul-badan kī āj-kal tū ai 'hasan'
baaġh meñ phir phir ke apne dil ko bahlāte haiñ ham

dil o nigāh meñ ik raushnī sī lagtī hai
tumhārī yaad se vābastagī sī lagtī hai

maiñ roz-e-hijr ko barbād kartā rahtā huuñ
shab-e-visāl hī ko yaad kartā rahtā huuñ

bas yūñhī hameñ yaad to aa jaatā hai varna
dānista kabhī tazkira terā nahīñ karte

hosh jaatā rahā duniyā kī ḳhabar hī na rahī
jab ki ham bhuul ga.e ḳhud ko vo tab yaad aayā

kin kin rafāqatoñ ke diye vāste magar
us ko na yaad aa.iiñ purānī mohabbateñ

maiñ inhimāk meñ ye kis maqām tak pahuñchā
tujhe hī bhuul gayā tujh ko yaad karte hue

hai diip tirī yaad kā raushan abhī dil meñ
ye ḳhauf hai lekin jo havā aa.ī zarā aur

yaad apne vatan kī mujhe aatī nahīñ ab to
ab bhuul chukā hogā mujhe merā vatan bhī

maiñ gulistāñ meñ bhī tanhā thā magar yaad to thī
kaisā be-yār-o-madad-gār huā zindāñ maiñ

maiñ nai tanhā.ī se tañg aa ke use yaad kiyā
ab mire saath hī rahtā hai ḳhudā zindāñ meñ

vo jo gulshan meñ mire ġham kā mudāvā na huā
chāñd niklā to use yaad kiyā zindāñ meñ

ai bachpane kī duniyā to yaad aa rahī hai
dil se mirī sadā-e-fariyād aa rahī hai

kartā hai bahut yaad shab-o-roz mirā dil
phūloñ ke nagar meñ rah-e-pur-ḳhār kā honā

vahī ik qissa zamāne ko mirā yaad rahā
vahī ik baat jise aaj purānī kah lo

hama kashmakash mirī zindagī kabhī aa ke dekh ye bebasī
tirī yaad vaj.h-e-sukūñ sahī vahī rāz-e-dīda-e-tar bhī hai