Tags-Yaad

yaad aa.e tirī zulf na mujh ko jo chaman meñ
de taab mire dil ko na sumbul kī ishārat

vo jo ham meñ tum meñ qarār thā tumheñ yaad ho ki na yaad ho
vahī ya.anī va.ada nibāh kā tumheñ yaad ho ki na yaad ho

vo jo lutf mujh pe the beshtar vo karam ki thā mire haal par
mujhe sab hai yaad zarā zarā tumheñ yaad ho ki na yaad ho

vo na.e gile vo shikāyateñ vo maze maze kī hikāyateñ
vo har ek baat pe rūThnā tumheñ yaad ho ki na yaad ho

kabhī baiThe sab meñ jo rū-ba-rū to ishāratoñ hī se guftugū
vo bayān shauq kā barmalā tumheñ yaad ho ki na yaad ho

hue ittifāq se gar baham to vafā jatāne ko dam-ba-dam
gila-e-malāmat-e-aqribā tumheñ yaad ho ki na yaad ho

koī baat aisī agar huī ki tumhāre jī ko burī lagī
to bayāñ se pahle hī bhūlnā tumheñ yaad ho ki na yaad ho

kabhī ham meñ tum meñ bhī chaah thī kabhī ham se tum se bhī raah thī
kabhī ham bhī tum bhī the āshnā tumheñ yaad ho ki na yaad ho

suno zikr hai ka.ī saal kā ki kiyā ik aap ne va.ada thā
so nibāhane kā to zikr kyā tumheñ yaad ho ki na yaad ho

kahā maiñ ne baat vo koThe kī mire dil se saaf utar ga.ī
to kahā ki jaane mirī balā tumheñ yaad ho ki na yaad ho

vo bigaḌnā vasl kī raat kā vo na mānñā kisī baat kā
vo nahīñ nahīñ kī har aan adā tumheñ yaad ho ki na yaad ho

jise aap ginte the āshnā jise aap kahte the bā-vafā
maiñ vahī huuñ 'momin'-e-mubtalā tumheñ yaad ho ki na yaad ho

maiñ ye nahīñ kahtī ki mujhe yaad kiyā kar
chup-chāp barastī huī bārish ko sunā kar

jab tujhe yaad kareñ kār-e-jahāñ kheñchtā hai
aur phir ishq vahī koh-e-girāñ kheñchtā hai

butoñ ko bhuul jaate haiñ ḳhudā ko yaad karte haiñ
barahman jab safar sū-e-allahabad karte haiñ

hameñ batlā na deñ āshiq jo haiñ rū-e-kitābī par
sabaq hai kyā koī ma.ashūq jis ko yaad karte haiñ

fazā meñ phail ga.e kitne yaad ke jugnū
dayār-e-shauq meñ jab koī rat-jagā chamkā

ye hujūm-e-ġham-e-daurāñ meñ kahāñ yaad rahā
dāstān-e-ġham-e-dil tere taġhāful se kahūñ

usī chaman meñ chaleñ jashn-e-yād-e-yār kareñ
diloñ ko chaak garebāñ ko tār-tār kareñ

kam nahīñ vo bhī ḳharābī meñ pa vus.at mālūm
dasht meñ hai mujhe vo aish ki ghar yaad nahīñ