Tags-Yaad

dil na chhuT zulf-e-butāñ chashm kā bāñdhe hai ḳhayāl
yaad mazmūñ hai pareshāñ ko pareshānī kā

yaad hai aah kā vo rañg-e-navā ho jaanā
yuuñ fazāoñ meñ simaTnā ki ghaTā ho jaanā

yaad hai mujh ko vo gahvāra-e-zulmat kī fazā
itnā tārīkī meñ phir taaki 'ziyā' ho jaanā

jo terī rāhguzar meñ chubhā thā ḳhaar mujhe
safar kī yaad dilātā hai baar baar mujhe

raat ko jab yaad aa.e terī ḳhushbu-e-qabā
tere qisse chheḌte haiñ raat kī raanī se ham

'mus.hafī' bhī hai phañkaitoñ meñ miyāñ
yaad haiñ us ko bhī kitnī ghā.iyāñ

ijāzat ho to kah duuñ qissa-e-ulfat sar-e-mahfil
mujhe kuchh to fasāna yaad hai kuchh tum sunā denā

phuul pe jab ik titlī dekhī apnī javānī yaad aa.ī
aaj na jaane phir kyuuñ mujh ko apnī kahānī yaad aa.ī

zaḳhm ke Tāñke TuuT ga.e sab raat chalī jo purvā.ī
phir to chale the zaḳhm magar phir terī nishānī yaad aa.ī

yuuñ to sab kuchh bhuul chukā huuñ tark-e-vafā ke ba.ad magar
dard uThā jab dil meñ mere terī nishānī yaad aa.ī

tere kuñvāre jism kī ḳhushbū phail ga.ī hai kamre meñ
tujh ko havā jab chhū kar aa.ī raat suhānī yaad aa.ī

sham.a kī lau par jalte dekhā raat jo ik parvāne ko
saarī kahānī maazī kī vo apnī zabānī yaad aa.ī

bahte hue ik dariyā ko jo dekhā maiñ ne ek 'nazar'
haa.e kisī ke lahje kī vo narm kahānī yaad aa.ī

guzar ga.e haiñ jo din un ko yaad karnā kyā
ye zindagī ke liye roz roz marnā kyā

mutālbe to bahut saḳht the zamāne ke
magar huqūq-e-mohabbat kī yaad aa hī ga.ī

yaad us lutf-e-huzūrī kā kareñ kyā hāsil
aa paḌā kaam faqat ab to tirī yaad ke saath

yuuñ to bahut hasīñ hai bahār-e-chaman kī yaad
dil par magar hai naqsh isī anjuman kī yaad

ham ḳhud ġham-e-hayāt se sīna-figār haiñ
ai dosto dilāo na us gul-badan kī yaad

is inthā-e-talḳhī-e-daurāñ ke bāvajūd
taaza hai aaj bhī kisī shīrīñ-dahan kī yaad

phir jī meñ hai ki khā.iye koī nayā fareb
phir aa rahī hai ik but-e-va.ada-shikan kī yaad