English
Favourite
Favourite
UrduShayarUrduShayar
Expand menu
Sign inAccount

Tags-Yaad

kam-sinī jin kī hameñ yaad hai aur kal kī hī baat
aaj unheñ dekhiye kyā ho ga.e kyā se baḌh kar
Sher
 kam-sini jin ki hamein yaad hai aur kal ki hi baat
yaad jab us kī chalī aa.ī mirī rāhoñ meñ
laaj rakh lī hai usī ne merī tanhā.ī kī
Ghazal
 bhul jaun main ada kaise us harjai ki
dauḌ jaatī hai lahar sī mere dil ke andar
yaad jab aatī hai us shoḳh kī añgḌā.ī kī
Ghazal
 bhul jaun main ada kaise us harjai ki
yaad ḳhudā kī aa.ī us ko
jis ne but meñ Dhālī miTTī
Ghazal
 apne aangan pali miTTi
aap kī yaad bhī bas aap ke hī jaisī hai
aa ga.ī yūñhī abhī yūñhī abhī jaatī hai
Ghazal
 milti muddat mein hai aur pal mein hansi jati hai
vo dil ke dard kī ḳhushbū kā aalam hai ki mat pūchho
tumhārī yaad meñ ye umr jannat meñ guzārī hai
Ghazal
 isi KHatir to uski aarti humne utari hai
sañg majnūñ pe laḌakpan meñ uThāyā kyuuñ thā
yaad ġhālib kī tarah sar mujhe aayā kyuuñ thā
Ghazal
 sang majnun pe laDakpan mein uThaya kyun tha
yaad kī rāhguzar jis pe isī sūrat se
muddateñ biit ga.ī haiñ tumheñ chalte chalte
Nazm
 koi aashiq kisi mahbuba se!
jo kisī ko bhī aaj yaad nahīñ
bhūlī-bisrī vo dāstān huuñ maiñ
Ghazal
 be-tamanna hun KHasta-jaan hun main
maiñ us qad o aariz ko kar yaad bahut royā
mazkūr gulistāñ meñ kuchh sarv-o-saman kā thā
Ghazal
 mushtaq hi dil barson us ghuncha-dahan ka tha
raqs karne lage mire armāñ
yaad jab un kī jhūmtī aa.ī
Ghazal
 mere lab par agar kabhi aai
jab kisī kī yaad aa kar tilmilā jaatā hai dil
jagmagā uThtī hai kuchh is shaan se bazm-e-dimāġh
Qita
 jab kisi ki yaad aa kar tilmila jata hai dil
ik us kā taġhāful hai vo yaad aa hī gayā hai
ik vāda-e-fardā hai vo bhūlā bhī nahīñ thā
Ghazal
 ek-adh harif-e-gham-e-duniya bhi nahin tha
ab ye hai ki thamtā huā dariyā hai tirī yaad
be-faiz ye dariyā kabhī aisā bhī nahīñ thā
Ghazal
 ek-adh harif-e-gham-e-duniya bhi nahin tha
yaad to aa.e ka.ī chehre har ik gaam ke ba.ad
koī bhī naam kahāñ aayā tire naam ke ba.ad
Ghazal
 yaad to aae kai chehre har ek gam ke baad
kitnī bāteñ banā ke lā.ūñ ek
yaad rahtī tire huzūr nahīñ
Ghazal
 bazm mein jo tera zuhur nahin
vo de rahā thā mujhe aaj be-gharī kī duā
to yaad aayā bahut us kā dil meñ ghar karnā
Ghazal
 ghubar-e-shab zara is amr ki KHabar karna
bahut hī yaad aatā hai koī bachhḌā huā mujh ko
kabhī jab sāmnā kartā huuñ shoḳh-o-shañg paanī kā
Ghazal
 hua raushan dam-e-KHurshid se phir rang pani ka
kabhī kabhī to ġhanīmat hai yaad rafta kī
biThā na roz lagā ke use sirhāne se
Ghazal
 gali se apni uThata hai wo bahane se
ajiib shaḳhs thā maiñ bhī bhulā nahīñ paayā
kiyā na us ne bhī inkār yaad aane se
Ghazal
 gali se apni uThata hai wo bahane se
Top Urdushayar.com