Tags-Yaad

ho gayā hasrat-e-parvāz meñ dil sau TukḌe
ham ne dekhā jo qafas ko to falak yaad aayā

yaad aatā hai bikhar jaanā mirī hastī kā
aur us zulf kā kahnā ki sañvarnā hai mujhe

is vāste furqat meñ jiitā mujhe rakkhā hai
ya.anī maiñ tirī sūrat jab yaad karūñ ro.uuñ

na itnā zulm kar ai chāñdnī bahr-e-ḳhudā chhup jā
tujhe dekhe se yaad aatā hai mujh ko māhtāb apnā

kisī ko qissa-e-pākī-e-chashm yaad nahīñ
ye āñhkeñ kaun sī barsāt meñ nahā.ī thiiñ

ġhairoñ kī justujū kī muddat se aarzū hai
ye yaad vo nahīñ hai jis ko bhulā hī deñge

us ne to merī yaad ko dil meñ chhupāyā is tarah
jaise swiss-bank meñ māl-e-harām rakh diyā

ab use ghar kī yaad aa.ī hai
Dah ga.ī ishq kī imārat kyā

yaad kī Dibbī meñ kyuuñ rakkho mujhe
maiñ jalī tiilī huuñ, mujh meñ kyā rahā

vo sahrā jis meñ kaT jaate haiñ din yād-e-bahārāñ se
ba-alfāz-e-digar us ko chaman kahnā hī paḌtā hai

ishq-e-mizhgāñ ne bhī to khīñchā hai dār-e-sarv par
yād-e-abrū meñ agar hai zer-e-arra fāḳhta

kaun sā lafz tire vāste ījād karūñ
sochtā huuñ tujhe kis naam se maiñ yaad karūñ

jab shaam baḌhī raat kā chāqū nikal aayā
is biich tirī yaad kā pahlū nikal aayā

megh malhār kī lai aag ugātī hai 'shamīm'
pichhlī barsāt kī phir yaad dilā.e bādal

butoñ kī yaad meñ 'āzam' basar huī apnī
ḳhudā kī yaad kā farz ek din adā na huā

mai-kade meñ sab ke sab jaam haath meñ le kar dostoñ meñ baiThe the
duur log masjid meñ rab ko yaad karte the dil kī bārgāhoñ meñ

baḌī mushkil se bahlāyā thā ḳhud ko
achānak yaad terī aa ga.ī phir

kaun kahtā hai na ġhairoñ pe tum imdād karo
ham farāmoshiyoñ ko bhī kabhū yaad karo

yaad aatā hai mujh ko dil ai 'mehr'
dekhtā huuñ maiñ jab kabhī shīsha

nahīñ hai yaad mujhe naam haañ magar āñkheñ
sharāb bhuul chukā yaad haiñ pyāle mujhe