Tags-Yaad

dī shab-e-vasl mo.azzin ne azaañ pichhlī raat
haa.e kam-baḳht ko kis vaqt ḳhudā yaad aayā

ḳhud apnī yaad dilā ke rulā diyā hai mujhe
vo ek shaḳhs ki jis ne bhulā diyā hai mujhe

dil meñ khilte haiñ tirī yaad ke e.ajāz se phuul
is meñ kuchh shā.iba-e-bād-e-bahārī to na thā

baiThe baiThe jo ham ai yaar hañse aur ro.e
aa gayā yaad to ik baar hañse aur ro.e

vo sivā yaad aa.e bhulāne ke ba.ad
zindagī baḌh ga.ī zahr khāne ke ba.ad

kaise kaise gile yaad aa.e 'ḳhumār'
un ke aane se qabl un ke jaane ke ba.ad

baiThā rahtā huuñ akelā yūñhī
yaad kar ke tirī yaktā.ī ko

tū yaad aayā tire jaur-o-sitam lekin na yaad aa.e
mohabbat meñ ye ma.asūmī baḌī mushkil se aatī hai

avvalīñ chāñd ne kyā baat sujhā.ī mujh ko
yaad aa.ī tirī añgusht-e-hinā.ī mujh ko

sar-e-aivān-e-tarab naġhma-sarā thā koī
raat bhar us ne tirī yaad dilā.ī mujh ko

dhuup idhar Dhaltī thī dil Dūbtā jaatā thā idhar
aaj tak yaad hai vo shām-e-judā.ī mujh ko

vaqt-e-ruḳhsat alvidā.a kā lafz kahne ke liye
vo tire sūkhe laboñ kā thartharānā yaad hai

yaad aatā hai ki maiñ ḳhud se yahīñ bichhḌā thā
yahī rasta hai tire shahr ko jaane vaalā

yaad hai ḳhuub mujhe mere liye rab ke huzūr
maañ kā ro ro ke duā karnā vo sajda karnā

jin ko jhapaknā yaad nahīñ hai
hairat kī haiñ vo maarī āñkheñ

ḳhāmosh fazā.eñ dekhtī haiñ yā chāñd sitāre sunte haiñ
jab yaad mujhe tum aate ho jab tum ko pukārā kartā huuñ

saaqī kī nigāh-e-mast mujhe jab yaad 'shamīm' aa jaatī hai
us vaqt hī apne taaq se maiñ shīshoñ ko utārā kartā huuñ

kam se kam maiñ ġham-e-duniyā ko bhulā saktā thā
par tirī yaad ne ye kaam bhī karne na diyā

duniyā ne terī yaad se begāna kar diyā
tujh se bhī dil-fareb haiñ ġham rozgār ke

ḳhud vo karte haiñ jise ahd-e-vafā se ta.abīr
sach to ye hai ki vo dhokā bhī mujhe yaad nahīñ