Tags-Yaad

'shohrat' ki hai ab vaj.h-e-pareshānī-e-ahbāb
uTh jā.egā jis roz tū aa.egā bahut yaad

janāb-e-shaiḳh se ik baar sāmnā ho jaa.e
karegā yaad kisī sar-phire se bāteñ kiiñ

aaj kā din bhī yaad rahegā
aaj vo mujh ko yaad na aa.e

dil ke zaḳhmoñ ko harā karte haiñ
kyuuñ tujhe yaad kiyā karte haiñ

nā-murādāna kahīñ umr basar hotī hai
shād-kāmī ke liye yaad tumhārī aa.ī

rūdād-e-mohabbat kyā kahiye kuchh yaad rahī kuchh bhuul ga.e
do din kī masarrat kyā kahiye kuchh yaad rahī kuchh bhuul ga.e

jab jaam diyā thā saaqī ne jab daur chalā thā mahfil meñ
ik hosh kī saa.at kyā kahiye kuchh yaad rahī kuchh bhuul ga.e

ab vaqt ke nāzuk hoñToñ par majrūh tarannum raqsāñ hai
bedād-e-mashiyyat kyā kahiye kuchh yaad rahī kuchh bhuul ga.e

ehsās ke mai-ḳhāne meñ kahāñ ab fikr-o-nazar kī qindīleñ
ālām kī shiddat kyā kahiye kuchh yaad rahī kuchh bhuul ga.e

kuchh haal ke andhe sāthī the kuchh maazī ke ayyār sajan
ahbāb kī chāhat kyā kahiye kuchh yaad rahī kuchh bhuul ga.e

kāñToñ se bharā hai dāman-e-dil shabnam se sulagtī haiñ palkeñ
phūloñ kī saḳhāvat kyā kahiye kuchh yaad rahī kuchh bhuul ga.e

ab apnī haqīqat bhī 'sāġhar' be-rabt kahānī lagtī hai
duniyā kī haqīqat kyā kahiye kuchh yaad rahī kuchh bhuul ga.e

mirī namāz mirī bandagī mirā īmāñ
tirā ḳhayāl tirī yaad aarzū terī

yaad us kī hai kuchh aisī ki bisartī bhī nahīñ
niiñd aatī bhī nahīñ raat guzartī bhī nahīñ

koī taara na dikhā shaam kī vīrānī meñ
yaad aa.egā bahut be-sar-o-sāmānī meñ

ab tirī yaad jo aa.e bhī to yuuñ aatī hai
jaise kāġhaz kī koī naav chale paanī meñ

bichhaḌ gayā huuñ magar yaad kartā rahtā huuñ
kitāb chhoḌ chukā huuñ paḌhā.ī jaarī hai

raat phir aisā huā ki peḌ ke saa.e tale
yaad aa.e tum tumhārī yaad aa.iiñ uñgliyāñ

un kī ruḳhsat kā din to yaad nahīñ
ye samajhiye ki roz-e-mahshar thā

us hīla-jū kī yaad bhī ab raftanī huī
ik hijr rah gayā hai so vo be-shumār hai