English
Favourite
Favourite
UrduShayarUrduShayar
Expand menu
Sign inAccount

Tags-Yaad

kabhī masjid meñ jo vaa.iz kā bayāñ suntā huuñ
yaad aatī hai mujhe pīr-e-ḳharābāt kī baat
Ghazal
 yaad hai pahle-pahal ki wo mulaqat ki baat
yaad piirī meñ kahāñ ab vo javānī kī tarañg
sub.h hote hī hameñ bhuul ga.ī raat kī baat
Ghazal
 yaad hai pahle-pahal ki wo mulaqat ki baat
jab liyā ahd shab-e-vasl kahā is ne 'hafīz'
sub.h ko yaad rahegī ye hameñ raat kī baat
Ghazal
 yaad hai pahle-pahal ki wo mulaqat ki baat
yaad aayā hai mujhe ik ham-safar
jab kabhī is raah se guzrā huuñ maiñ
Ghazal
 ashk aankhon mein chhupa leta hun main
kal raat tirī yaad ne tūfāñ vo uThāyā
aañsū the ki palkoñ pe Thaharne ke nahīñ the
Ghazal
 hum tujhse koi baat bhi karne ke nahin the
azāb-e-qabr se paate haiñ rāhat ishq ke mujrim
pas-e-murdāñ jafā.eñ yaar kī jab yaad karte haiñ
Ghazal
 zaban-e-haal se hum shikwa-e-bedad karte hain
na kah bahr-e-ḳhudā tū bandagān-e-ishq ko kāfir
butoñ kī yaad meñ zāhid ḳhudā ko yaad karte haiñ
Ghazal
 zaban-e-haal se hum shikwa-e-bedad karte hain
karegā yaad hameñ duur ham agar jaa.eñ
is ishtiyāq meñ jī chāhtā hai mar jaa.eñ
Ghazal
 karega yaad hamein dur hum agar jaen
chal diye sū-e-haram kū-e-butāñ se 'momin'
jab diyā ranj butoñ ne to ḳhudā yaad aayā
Sher
 chal diye su-e-haram ku-e-butan se momin
dukh ke sannāTe meñ yaad ā.eñge tujh ko ham se
jo tire dar pe sadā kar ga.e ḳhāmoshī se
Ghazal
 hum KHarabe mein basar kar gae KHamoshi se
jhūTī bāteñ mujhe yaad aa.iiñ jo us kī shab-e-hijr
sub.h-e-kāzib ko maiñ peshānī-e-qātil samjhā
Sher
 jhuTi baaten mujhe yaad aain jo uski shab-e-hijr
maiñ chāhtā huuñ ki itnā hī rabt rah jaa.e
vo yaad aa.e magar bhūlnā muhāl na ho
Ghazal
 main chahta hun ki dil mein tera KHayal na ho
ban ke ġharqāb safīne kī machaltī huī yaad
sīna-e-bahar pe ik mauj ubhar aa.ī hai
Ghazal
 mustaqil did ki ye shakl nazar aai hai
ġham-e-hayāt se itnī bhī hai kahāñ fursat
ki terī yaad meñ jī bhar ke ro liyā jaa.e
Sher
 gham-e-hayat se itni bhi hai kahan fursat
hameñ yaad rakhnā hameñ yaad karnā
agar koī taaza sitam yaad aa.e
Sher
 hamein yaad rakhna hamein yaad karna
tere dhyān kā kañgan chhankā Dheroñ saaz baje
terī yaad kā kājal pahnā aur sharmā.ī shaam
Ghazal
 KHushbu ki qindil jalai aur sajai sham
maazī kī yādgār sahī yād-e-dil to hai
tarz-e-nashāt-e-nauha-garāñ dekhte chaleñ
Ghazal
 raushan hai bazm-e-shoala-ruKHan dekhte chalen
kyuuñ javānī kī mujhe yaad aa.ī
maiñ ne ik ḳhvāb sā dekhā kyā thā
Sher
 kyun jawani ki mujhe yaad aai
jo mujhe ek din meñ bhuul gayā
yaad aa.egā umr-bhar mujh ko
Ghazal
 bhul jaoge tum agar mujhko
kabhī jo yaad kartī huuñ tirī qurbat ke lamhoñ ko
mirī sāñsoñ talak us kā asar taqsīm ho jaa.e
Ghazal
 mohabbat aur KHushbu ka nagar taqsim ho jae
Top Urdushayar.com