Tags-Yaad

maiñ jo aah bhar rahā huuñ tujhe yaad kar rahā huuñ
ki tire baġhair maiñ ne kabhī zindagī na chāhī

koī yaad ham-nafas ho jo mire liye qafas ho
ki azal se jis tarah hai ye jahān-e-āb-o-māhī

yaad aayā bhī to yuuñ ahd-e-vafā
aah kī be-asarī yaad aa.ī

sāhil-e-intizār meñ tanhā
yaad vo lahar lahar aa.e mujhe

ajnabī mujh se aa gale mil le
aaj ik dost yaad aa.e mujhe

maza detā hai yaad aa kar tirā bismil banā denā
lagā denā zarā tīr-e-nazar haañ phir lagā denā

āshiq haiñ ham bhī tere abrū ke aur ruḳh ke
ham ko bhī yaad rakhnā badr-o-hilāl vaale

life nahīñ hai bed-of-roses yaad rakho
rasta chalte sau dushvārī miltī hai

kisī kī yaad 'saif' aur dil kī hālat
ghanā jañgal akelī jhoñpaḌī hai

bazm-e-vafā meñ aap se ik pal kā sāmnā
yaad aa gayā to ahd-e-shanāsā.ī ban gayā

koī yaad aa bhī ga.ī to kyā koī zaḳhm khil bhī uThā to kyā
jo sabā qarīb se ho chalī use minnatoñ kī ghaḌī kahā

yaad aa ga.ī jo ham ko vo gardan surāhī-dār
shīshe ko mai-kade meñ gale se lagā liyā

is vāste furqat meñ jiitā mujhe rakkhā hai
ya.anī maiñ tirī sūrat jab yaad karūñ ro.uuñ

mil ke ik baar use yaad nahīñ hone ke
dil ke ujḌe nagar ābād nahīñ hone ke

'nādir' kahīñ to sair ko bāhar bhī jā.iye
har-dam kisī kī yaad meñ rahnā udaas kyā

aaj tak yaad haiñ mujh ko vo nigāheñ māsūm
in hī hāthoñ ne jinheñ kar diyā baḌh kar mādūm

terā har naqsh miTātī huī yādeñ terī
aur phir mujh ko tirī yaad dilāte hue log

vo kisī ko yaad kar ke muskurāyā thā udhar
aur maiñ nādān ye samjhā ki vo merā huā

phuul hī phuul yaad aate haiñ
aap jab jab bhī muskurāte haiñ

zāhid kī tarah ḳhushk musalmāñ nahīñ 'jalīl'
ishq-e-butāñ bhī dil meñ hai yād-e-ḳhudā bhī hai