Tags-Yaad

jab nahīñ umr to vo phuul khilā
kab kā bachhḌā huā kab yaad aayā

raqs karne lagī tāroñ bharī shab
tū bhī is raat ajab yaad aayā

kitnā iqrār chhupā thā is meñ
tere inkār kā Dhab yaad aayā

hosh uḌne lage 'nāsir' kī tarah
aaj vo yaar ġhazab yaad aayā

yaad kyā rakhtā ki vo zūd-farāmosh bhī thā
maiñ bhī kuchh bhuul gayā us ko taqāzā likhnā

dhuup meñ kaun kise yaad kiyā kartā hai
par tire shahr meñ barsāt to hotī hogī

aatī haiñ yaad yaar ke kānoñ kī bijliyāñ
mausam na jiine degā ki barsāt kā mujhe

vo akele meñ bhī jo lajāte rahe
ho na ho un ko ham yaad aate rahe

yaad karne pe bhī dost aa.e na yaad
dostoñ ke karam yaad aate rahe

dil kisī yaad ne chhuā hogā
aage baḌh jaao dekhte kyā ho

na āñsuoñ kī ravāñ nahr aañkh se karnā
ab us kī yaad bhī aa.e to hausla rakhnā

kaun sā tā.ir-e-gum-gashta use yaad aayā
dekhtā bhāltā har shāḳh ko sayyād aayā

mere qaabū meñ na pahroñ dil-e-nāshād aayā
vo mirā bhūlne vaalā jo mujhe yaad aayā

koī bhūlā huā andāz-e-sitam yaad aayā
ki tabassum tujhe zālim dam-e-be-dād aayā

dī shab-e-vasl mo.azzin ne azaañ pichhlī raat
haa.e kam-baḳht ko kis vaqt ḳhudā yaad aayā

lījiye suniye ab afsāna-e-furqat mujh se
aap ne yaad dilāyā to mujhe yaad aayā

aap kī bazm meñ sab kuchh hai magar 'dāġh' nahīñ
ham ko vo ḳhāna-ḳharāb aaj bahut yaad aayā

mire ḳhayāloñ meñ aaj bhī ḳhvāb ahd-e-rafta ke jāgte haiñ
tumhāre pahlū meñ kāhish-e-yād-e-pāstāñ thak ke so ga.ī hai

akele meñ hañsāne lag gayā hai
bahut hī yaad aane lag gayā hai

ye kis kā chehra damaktā hai merī āñkhoñ meñ
ye kis kī yaad mujhe kahkashāñ se aatī hai