Tags-Yaad

diloñ se hotī huī ruuh tak utar aa.ī
kisī kī yaad bhī aa.ī to kis qadar aa.ī

guzrī bātoñ ko kaise jaane duuñ
ahd-e-māzī ko yaad aane do

yaad kuchh bhī rahā na us ke sivā
ham ne us ko bhulā ke dekh liyā

kuchh to farmā.iye insāf agar hai koī chiiz
aap ko dil se bhulā.eñ to kise yaad kareñ

aaj ik qabr pe 'ālim' ye likhā dekhā thā
sākin-e-gulshan-e-hastī na mujhe yaad kareñ

us ne sochā
yād-gārī chauk meñ chāroñ taraf

bandish-e-hijr ko toḌā nahīñ tū ne aa kar
yaad kyā tujh ko nahīñ shaam o sahar ham ne kiyā

yaad aa.e to khileñ phuul chale purvā.ī
dard jaage to tirā aks tah-e-jām utre

ab akelā nahīñ 'ḳhalīl' ke saath
yaad terī kabhī kabhī ho tum

but bhī na bhūleñ yaad ḳhudā kī bhī kījiye
paḌhiye namāz kar ke vuzū āb-e-gañg se

tumhārī yaad meñ baiThe haiñ dil ko bahlāne
sanam-tarāshī-o-zauq-e-musavvirī kyā hai

ruḳh-e-be-parda un kā yaad aatā hai shab-e-hijrāñ
hijāb-e-abr jab rū-e-mah-e-kāmil se uThtā hai

tum to us yaad kī amaan meñ ho
us ko kis kī amaan meñ rakkhā

bhuul jā mat rah kisī kī yaad meñ khoyā huā
is añdhere ġhaar meñ kuchh bhī nahīñ rakkhā huā

use socheñ to yaad aatā hai ham ko
ki ham to mudda.ā bhūle hue haiñ

kaash aisā kabhī to ho jaa.e
yaad aa.e na terī us se qabl

jahāñ koī sitam ījād kiyā mujhe kah ke falak ne ye yaad kiyā
ki bas ek dil-e-'bedam' ke sivā koī qābil-e-mashq-e-jafā hī nahīñ

qadam qadam pe vo āñkheñ bichhā bichhā denā
zarūr yaad to hogā tumhārī rāhoñ ko

tumheñ vo lamhe to yaad hoñge ki jab tumheñ yaad the ye fiqre
tumheñ mire sar kā vāsta hai tumheñ mirī jaan kī qasam hai

nahīñ the jashn-e-yād-e-yār meñ ham
so ghar par aa gayā hissa hamārā