Tags-Yaad

tujhe ḳhabar hai ki ibtidā bhī hai intihā bhī
jahān-e-ma.anī meñ darmiyāñ ko bhī yaad rakhnā

yaad kar ke tirī sūrat tirī bāteñ akasr
yuuñ taḌaptā hai ki is dil pe hañsī aatī hai

abhī maiñ ne kiyā thā yaad us ko
vo aayā umr qāsid kī baḌī hai

dil se terī yaad bhī ruḳhsat huī
aur ab kyā mo.ajiza baaqī rahā

ab ḳhudā us ko banāyā hai to yaad aatā hai
jaise us but se to barsoñ kī shanāsā.ī hai

yaad rakhte kis tarah qisse kahānī log the
vo yahāñ ke the nahīñ vo āsmānī log the

añdhiyāre se ek kiran ne jhāñk ke dekhā sharmā.ī
dhundlī chhab to yaad rahī kaisā thā chehra bhuul gayā

yaad ke pher meñ aa kar dil par aisī kaarī choT lagī
dukh meñ sukh hai sukh meñ dukh hai bhed ye nyārā bhuul gayā

muntaḳhab maiñ hī huā mashq-e-taġhāful ke liye
vo taġhāful-kesh merī yaad se ġhāfil nahīñ

sair duniyā kī na kuchh yād-e-ḳhudā hotī hai
umr inhīñ jhagḌoñ meñ tārāj-e-fanā hotī hai

gale lagā de karūñ pyaar terī teġh ko maiñ
ki yaad aa.e karishme tirī adā ke mujhe

maiñ yaad kar dur-e-dandān-e-yār rotā huuñ
Tapakte haiñ guhar-e-āb-dār āñkhoñ se

ḳhvāb aisā ki dekhte rahiye
yaad aisī ki hāfiza le jaa.e

ab kahāñ jaa.eñ ki us se bhī ta.alluq na rahā
apnā ghar yaad nahīñ band haiñ maiḳhāne bhī

yaad karne ke zamāne se bahut aage haiñ
aaj ham apne Thikāne se bahut aage haiñ

sard aahoñ ne mire zaḳhmoñ ko ābād kiyā
dil kī choToñ ne jo rah rah ke tujhe yaad kiyā

hichkī shab-e-firāq kī kuchh kah rahī hai aur
ya.anī hamārī yaad se vo be-ḳhabar nahīñ

jab chāragaroñ ko bhī yaad aa.ī masīhā kī
muñh taktī huī un ko tadbīr nazar aa.ī

hai yahī hukm to ta.amīl kareñge sāhab
na kareñge tumheñ ham yaad jo dil maan gayā

chamakte rahe āñsuoñ ke charāġh
kiyā yaad unheñ bā-vazū raat bhar