Tags-Yaad

vo tumhārā shā.er-e-ḳhush-navā jise log kahne lage 'fanā'
vo 'nisār' kah ke pukārnā tumheñ yaad ho ki na yaad ho

sharmā ga.e the donoñ hī pahlī nazar ke baad
shāyad tumheñ to yaad bhī vo vāqi.a na ho

aaj phir chaa.e banāte hue vo yaad aayā
aaj phir chaa.e meñ pattī nahīñ Daalī maiñ ne

ek lamha bhī ik zamāna hai
yaad rakhnā ki bhuul jaanā hai

terī yaad meñ shāmil hī
kuchh jhoñke purvā.ī ke

kabhī bhañvar thī jo ik yaad ab sunāmī hai
magar ye kyā ki mujhe ab bhī tishna-kāmī hai

jaane muddat pe tirī yaad kidhar se aa.ī
raakh ke Dher meñ poshīda sharārā niklā

tum apne Thor-Thikānoñ ko yaad rakkho 'sāz'
hamārā kyā hai ki ham to kahīñ bhī rahte haiñ

na.e safar meñ jo pichhle safar ke sāthī the
phir aa.e yaad ki us rahguzar ke sāthī the

yaad karte haiñ kisī ke mus.haf-e-ruḳhsār ko
tāq-e-nisyāñ par rakhā hai ham ne qur.āñ āj-kal

ba-rabb-e-kāba us kī yaad meñ umreñ gañvā dūñgā
maiñ us vaadī ke zarre zarre par sajde bichhā dūñgā

use phūloñ ne merī yaad meñ betāb dekhā hai
sitāroñ kī nazar ne raat bhar be-ḳhvāb dekhā hai

tum ko bhulā rahī thī ki tum yaad aa ga.e
maiñ zahr khā rahī thī ki tum yaad aa ga.e

kal merī ek pyārī sahelī kitāb meñ
ik ḳhat chhupā rahī thī ki tum yaad aa ga.e

us vaqt rāt-rānī mire suune sahn meñ
ḳhushbū luTā rahī thī ki tum yaad aa ga.e

īmān jāniye ki ise kufr jāniye
maiñ sar jhukā rahī thī ki tum yaad aa ga.e

kal shaam chhat pe mīr-taqī-'mīr' kī ġhazal
maiñ gungunā rahī thī ki tum yaad aa ga.e

'anjum' tumhārā shahr jidhar hai usī taraf
ik rail jā rahī thī ki tum yaad aa ga.e

yaad kā zaḳhm bhī ham tujh ko nahīñ de sakte
dekh kis ālam-e-ġhurbat meñ mile haiñ tujh se

maiñ ne terī yaad bhulā dī shahzādī
tāj-mahal ko aag lagā dī shahzādī