Tags-Yaad

gire jo yaad kī jacket pe yaad ke phāhe
añdhere dil meñ hue ḳhuub valvale raushan

tumheñ vo vaqt yaad aatā hai jab tum
lipaT kar shāḳh-e-gul se so rahe the

yaad us ke vo gulnār sarāpe nahīñ aate
is zaḳhm se us zaḳhm ko bharte hue dekhā

dekh dil kī zamīñ laraztī hai
yād-e-jānāñ qadam sambhāl apnā

har lahza makīñ dil meñ tirī yaad rahegī
bastī ye ujaḌne pe bhī ābād rahegī

vo zulf-e-pareshāñ kā sañvāre na sañvarnā
vo un ke bigaḌne kī adā yaad rahegī

jab bhī chāhā chal paḌī maazī kī film
aisī qudrat yaad kī ik lahr meñ

maiñ aaj sirf mohabbat ke ġham karūñgā yaad
ye aur baat ki terī bhī yaad aa jaa.e

maiñ terī yaad ke jaadū meñ thā sahar mujh ko
na-jāne kaun sī manzil pe lā ke chhoḌ ga.ī

yaad kī sub.h Dhal ga.ī shauq kī shaam ho ga.ī
aap ke intizār meñ umr tamām ho ga.ī

maiñ apne dil se nikālūñ ḳhayāl kis kis kā
jo tū nahīñ to koī aur yaad aa.e mujhe

hosh par bijlī girī āñkheñ bhī ḳhīra ho ga.iiñ
tum to kyā the ik jhalak sī thī tumhārī yaad kī

ibārat hai unhīñ se dāstān-e-zindagī 'muztar'
kisī kī yaad meñ jo zindagī ke din guzāre haiñ

gum hone ko pā jaanā kahte haiñ mohabbat meñ
aur yaad kā rakkhā hai yaañ naam farāmoshī

bhulā do mujh ko lekin yaad rakhnā
satā.egī tumheñ bhī yaad merī

ye umr kaise guzārī bas itnā yaad hai ab
udaas raat ke sahrā pe chal rahā thā maiñ

chhoḌnā ghar kā hameñ yaad hai 'jālib' nahīñ bhūle
thā vatan zehn meñ apne koī zindāñ to nahīñ thā

almārī ke ik ḳhāne meñ yaad kisī kī rakkhī aur
us kī chābī laTkā dī hai ātī-jātī sāñsoñ se

sunā hai muddat talak use ye jabīñ-sitāra sī yaad aa.ī
bahut dinoñ us ko yaad aayā thā jhilmilāhaT se baat karnā

tujh ko ab yaad nahīñ hai ki tirī ḳhātir ham
kaise rusvā sar-e-bāzār huā karte the