Tags-Yaad

yād-e-māzī kī pur-asrār hasīñ galiyoñ meñ
mere hamrāh abhī ghuum rahā hai koī

zindagī kā safar ḳhatm hotā rahā tum mujhe dam-ba-dam yaad aate rahe
merī vīrān palkoñ pe din Dhalte hī kuchh sitāre magar jagmagāte rahe

luT ga.ī zindagī bujh ga.e diip bhī duur tak phir na baaqī rahī raushnī
is añdhere meñ bhī ham tirī yaad se apnī vīrān mahfil sajāte rahe

dāva-e-taqvā kā 'hasrat' kis ko aatā hai yaqīñ
aap aur jaate raheñ pīr-e-muġhāñ kī yaad se

go farāmoshī kī takmīl huā chāhtī hai
phir bhī kah do ki hameñ yaad vo aayā na kare

hasrateñ ban kar nigāhoñ se baras jā.eñge ham
ek din aa.egā jab un ko bhī yaad ā.eñge ham

na pūchh husn ke andesha-hā-e-rusvā.ī
zahe junūñ ki jise yaad maslahat na mahal

tumhārī yaad kā ik silsila rahī ḳhushbū
bahār ban ke mirā rāsta rahī ḳhushbū

qalam yaad coffē bharam chand panne
bas itne meñ bhī din guzāre hue haiñ

dil aur dil meñ yaad kisī ḳhush-ḳhirām kī
siine meñ hashr le ke chale haiñ jahāñ se ham

yaad rakhtā hai adam meñ koī sāġhar-kash use
hichkiyāñ shīsha-e-mai shām-o-sahar letā hai

basī hai sūkhe gulāboñ kī baat sāñsoñ meñ
koī ḳhayāl kisī yaad ke hisār meñ hai

kuchh duur saath saath the itnā to yaad hai
sahrā-e-ġham meñ naqsh-e-qadam bhī bahāna-sāz

asl rishta to zamīñ se hai mirā
yaad aayā mujh ko sayyāroñ ke biich

hujūm-e-yād mulāqāt-e-muḳhtasar kā samar
har ek lamha mah-o-sāl kā ḳhazāna huā

mirā vajūd hai momī kahīñ na ho aisā
kisī kī yaad kī garmī se maiñ pighal jā.ūñ

ham yaad kareñ kis ko farāmosh hoñ kis se
hai yaad bhī har-dam vahī nisyān vahī hai

dil kī zamīñ par ham ne ik konā bhī ḳhālī chhoḌā hai
shaam ko vāpas aa kar jis meñ yaad tumhārī baiThegī

na khel jaan par apnī tū ai dil-e-nādāñ
ḳhudā ko yaad kar itnā tū be-qarār na ho