Tags-Yaad

yaad us kī na rāhoñ se bhaTke kahīñ
jugnuoñ ko chamaktā huā chhoḌ do

yād-e-māzī ye kyā kiyā tū ne
hañste hañste rulā diyā tū ne

āġhāz-e-ġham urūj-e-junūñ intihā-e-shauq
vo zindagī meñ yaad na aa.e kahāñ kahāñ

yuuñ tasavvur meñ dabe paañv tirī yaad aa.ī
jis tarah shaam kī bāñhoñ meñ sitāre aa.e

ye kis kī yaad kā dil par rafū thā
ki bah jaane pe āmāda lahū thā

yaad karnā tumheñ hai aadat meñ
varna dil meñ nahīñ bacha hai kuchh

umr guzar jaatī hai qisse rah jaate haiñ
pichhlī rut ke bichhḌe sāthī yaad aate haiñ

ujlī thī tirī yaad kī ye zard sī pattī
ḳhākistar-e-ayyām meñ ḳhāmosh paḌī hai

yaad se terī hue pur-nūr apne roz-o-shab
dil kī ra.anā.ī baḌhī aur raat ujlī ho ga.ī

siyāh dil haiñ añdheroñ meñ tujhe ham yaad karte haiñ
ḳhudāyā un gharoñ meñ raushnī hotī to achchhā thā

bhūlī-bisrī yaad ne jab daryāft kiyā ahvāl mirā
dil ne zaḳhm kalām kiyā āñkhoñ ne ashk-bayānī kī

mujh ko tum yaad aur bhī aa.e
koshisheñ jitnī kī bhulāne kī

tanhā.ī kā sannāTā aur aatī jaatī rāteñ
terī yaad na aur koī ġham phir bhī niiñd na aa.e

mujh ko dekh ke merā jumla juuñ hī us ko yaad aayā
us ne jo bāñdhā thā vo bāloñ kā juuḌā khol diyā

jis qadar vasl-e-butāñ kā tumheñ rahtā hai firāq
ai 'nasīm' utnī kabhī yād-e-ḳhudā aatī hai

hai tere ba.ad tirī yaad iftiḳhār-e-vatan
tirā mazār hai sham-e-sar-e-mazār-e-vatan

pukārtī haiñ sirañgā-paTam kī dīvāreñ
ki ham ko yaad haiñ vo goliyoñ kī bauchhāreñ

shaam hote hī charāġhoñ ko bujhā detā huuñ
dil hī kaafī hai tirī yaad meñ jalne ke liye

raat ke jañgal meñ maiñ huuñ aur tirī mub.ham sī yaad
ik diyā hai ye kahāñ tak rāsta raushan kare

ye suḳhan jo ham ne raqam kiye ye haiñ sab varaq tirī yaad ke
koī lamha sub.h-e-visāl kā koī shām-e-hijr kī muddateñ