Tags-Yaad

tum ba.ad mire ġhair kā dil shaad karoge
kyuuñ yaad mirī aa.egī kyā yaad karoge

pachhtāo na dil de ke 'hafīz' un ko to kahnā
vo zak ye hasīñ deñge ki tum yaad karoge

din tirī yaad meñ Dhal jaatā hai aañsū kī tarah
raat taḌpātī hai ik nashtar-e-pahlū kī tarah

yahī do kaam mohabbat ne diye haiñ ham ko
dil meñ hai yaad tirī zikr hai lab par terā

tirī yaad meñ kab qayāmat na TuuTī tire ġham meñ kab hashr barpā na dekhā
ba-juz ik nigāh-e-masīhā-nafas ke mohabbat ke māroñ ne kyā kyā na dekhā

jaane kaise log the yaad aa.e kam jaane ke ba.ad
aib saare khul ga.e marhūm kahlāne ke ba.ad

bahut se yaad haiñ mahfil meñ baiThne vaale
kabhī to bhuul ke koī sar-e-mazār aa.e

vo kaun dair-nashīñ thā haram ke goshe meñ
kis kī yaad thī yaad ḳhudā ke parde meñ

ḳhabar nahīñ ki tirī yaad kyā tirā ġham kyā
magar vo dard jo hotā hai saañs lene meñ

chalī thī kashtī-e-dil bādbān-e-yād ke saath
kahāñ utaar ga.ī ajnabī jazīre meñ

āñkhoñ meñ mish.aleñ haiñ firozāñ davām kī
dil meñ hai terī yaad kā kāñTā chubhā huā

tirī yaad dastgīr-e-dil-e-ġham-zadā huī hai
mujhe saath le chalī hai ġham-e-do-jahāñ se aage

dil ne go laakh ye chāhā ki bhulā duuñ tujh ko
yaad ne terī magar aaj bhī maarā shab-ḳhūñ

zarā samajh to sahī ahd-e-nā-sipās hameñ
ki tere saath haiñ ham yād-e-raftagāñ kī tarah

zaḳhm siine kā phir ubhar aayā
yaad bhar koī chāra-gar aayā

paar utrā ufuq ke sūraj to
phir musāfir ko yaad ghar aayā

bhūlā hai dīn-o-duniyā aadmī
ḳhāssa hai ye butoñ kī yaad kā

kisī ko yaad kar ke ek din ḳhalvat meñ royā thā
nahīñ mālūm kyuuñ jab se nadāmat baḌhtī jaatī hai

jis tarah guzregī ye raat guzar jā.egī
muddatoñ yaad rahegā asar-e-parvāna

haañ mirā haal hai barbād magar maiñ to nahīñ
tujh ko kartā hai koī yaad magar maiñ to nahīñ