Tags-Yaad

kasmapursī kā uf-re ye aalam
yaad ham ko jafā-e-yār aa.ī

sū-e-gulshan jo aaj aa nikle
yaar kī yaad baar baar aa.ī

ġhuncha o gul kā dekh kar jauban
yād-e-mahbūb-e-gul-azār aa.ī

karegā yaad kyā qātil ko apne
taḌaptā yaañ se jo bismil gayā hai

vo to kahiye aaj bhī zanjīr meñ jhankār hai
varna kis ko yaad rah jaatī hai dīvānoñ kī baat

gum-shuda shahr meñ DhūñDhtā huuñ kise
ek ik shakl ko yaad kartā huā

vaqt koshish kare maiñ chāhūñ magar yaad tirī
dhundlī ho saktī hai dil se nahīñ miTne vaalī

yaad ke sahrā meñ kuchh to zindagī aa.e nazar
sochtā huuñ ab banā luuñ ret se hī koī ghar

zabt ke qarye meñ 'amjad' dekhiye kaise kaTe
soch kī suunī saḌak par yaad kā lambā safar

zamāna yaad rakkhegā tumheñ ye kaam kar jaanā
kisī afsurda chehre meñ ḳhushī ke rañg bhar jaanā

umr ġhaflat hī meñ 'bedār' chalī jaanī hai
yaad hai jis kī ġharaz us se farāmoshī hai

yaad itnā hai gale mujh se milā thā koī
phir mirī pusht meñ ḳhanjar huā TukḌe TukḌe

der tak jāgte rahne kā sabab yaad aayā
tum se bichhḌe the kisī moḌ pe ab yaad aayā

yaad terī falak-e-pīr liye baiThe haiñ
shikva-e-gardish-e-taqdīr liye baiThe haiñ

ro diye vo bhī mirī maut ke ba.ad ai 'purnam'
yaad jab merī vafāoñ ke fasāne aa.e

hijr ke tapte mausam meñ bhī dil un se vābasta hai
ab tak yaad kā pattā pattā Daalī se paivasta hai

ḳhudā ko yaad kartā huuñ to maañ kī yaad aatī hai
abhī azaloñ se gardāñ chaak kī miTTī kā nam ā.ankhoñ meñ raushan thā ki maiñ ne maañ ko dekhā thā

aaj rah rah ke mujhe yaad aa.e
us ke andāz purāne kyā kyā

tū aa gayā hai to ab yaad bhī nahīñ mujh ko
ye ishq merā burā haal karne vaalā thā

duur rah kar na karo baat qarīb aa jaao
yaad rah jā.egī ye raat qarīb aa jaao