Tags-Yaad

barg-e-gul dekh ke āñkhoñ meñ tire phir ga.e lab
ġhuncha chaTkā to mujhe lutf-e-suḳhan yaad aayā

dar-ba-dar phir ke dilā ghar kī hameñ qadr huī
rāh-e-ġhurbat meñ jo bhūle to vatan yaad aayā

aah kyuuñ kheñch ke āñkhoñ meñ bhar aa.e aañsū
kyā qafas meñ tujhe ai murġh-e-chaman yaad aayā

phir 'amānat' mirā dil bhuul gayā aish o tarab
phir mujhe rauza-e-sultān-e-zaman yaad aayā

kuchh yaad aa ga.ī thī vo zulf-e-shikan-shikan
hastī tamām chashma-e-zulmāt ho ga.ī

aaj tujh yaad ne ai dilbar-e-shīrīñ-harakāt
aah ko dil ke upar tesha-e-farhād kiyā

tum jise yaad karo phir use kyā yaad rahe
na ḳhudā.ī kī ho parvā na ḳhudā yaad rahe

bosa sanam kī aañkh kā lete hī jaan dī
'momin' ko yaad kyā hajrul-asvad aa gayā

raushan thā dil meñ sirf kisī yaad kā charāġh
ghar meñ koī bhī raushnī us ke sivā na thī

kitnā dilkash hai tirī yaad kā paalā huā ashk
sīna-e-ḳhāk pe mahtāb girā ho jaise

phir sāvan rut kī pavan chalī tum yaad aa.e
phir pattoñ kī pāzeb bajī tum yaad aa.e

phir kūñjeñ bolīñ ghaas ke hare samundar meñ
rut aa.ī piile phūloñ kī tum yaad aa.e

phir kaagā bolā ghar ke suune āñgan meñ
phir amrit ras kī buuñd paḌī tum yaad aa.e

pahle to maiñ chīḳh ke royā aur phir hañsne lagā
bādal garjā bijlī chamkī tum yaad aa.e

din bhar to maiñ duniyā ke dhandoñ meñ khoyā rahā
jab dīvāroñ se dhuup Dhalī tum yaad aa.e

shab-e-hijr meñ aañkh jo band huī tirī zulf kī yaad do chand huī
mirī saañs ulajh ke kamand huī mujhe terī hī zulf-e-dotā kī qasam

mizha ke ashk tamannā ke zaḳhm yaad ke phuul
ka.ī charāġh sar-e-shām-e-intizār mile

shaam sajā ke kyā kareñ yaad kā ehtimām bhī
bhuul ga.e haiñ ab to ham us kā bhalā sā naam bhī

raah meñ rok kar use aap haiñ sharmsār ham
yaad hī aa nahīñ rahā us se thā koī kaam bhī

mahak uTThā yakāyak regzār-e-dard-e-tanhā.ī
kise ai yād-e-jānāñ tū yahāñ tak DhūñDne aa.ī