Tags-Yaad

jahāñ par mahfil-e-shab meñ sabhī āñkheñ bhigote haiñ
sabhī ko apne apne raftagāñ kī yaad aatī hai

vahāñ jab tak rahe tab tak yahāñ kī fikr rahtī thī
yahāñ jab aa ga.e haiñ to vahāñ kī yaad aatī hai

ye shahr-e-ajnabī meñ ab kise jā kar batā.eñ ham
kahāñ ke rahne vaale haiñ kahāñ kī yaad aatī hai

aur to yaad nahīñ par ham ne
ishq meñ dhokā khāyā hogā

kyā dekhtā hai haal ke manzar idhar bhī dekh
maazī ke naqsh yaad kī dīvār par bhī dekh

tū jinheñ ḳhud bhī yaad kartā hai
aise bhī ḳhush-nasīb hote haiñ

jo tujhe yaad karte rahte haiñ
vo mire bhī habīb hote haiñ

pyaar kī bāteñ vasl kī rāteñ
yaad karoge yaad karoge

husn ko rusvā kar ke marūñgā
āḳhir tum kyā yaad karoge

yaad kī ḳhushbū dil ke nagar meñ phailegī
ġham ke saa.e lagte haiñ ab shītal se

ye kis tarah yaad aa rahī ho ye ḳhvāb kaisā dikhā rahī ho
ki jaise sach-much nigāh ke sāmne khaḌī muskurā rahī ho

jakḌā hai tirī yaad ne afkār ko mere
hamdam tire jazbāt meñ shiddat bhī ajab hai

ahl-e-dil sunte haiñ ik sāz-e-mohabbat kī navā
ham tirī yaad meñ jab naġhma-sarā hote haiñ

tumhārī yaad meñ ai sho.ala-ḳhūbāñ
zabān-e-sham.a par lau lag rahī hai

yaad kar kar ke use vaqt guzārā jaa.e
kis ko fursat hai vahāñ kaun dobāra aa jaa.e

sā.ira tujh ko bahut yaad haiñ us kī bāteñ
kyuuñ na kuchh vaqt tire saath guzārā jaa.e

yaad phir rañg meñ nazar aa.ī
zindagī bhar ga.ī nazāroñ se

sañg-dil jab bhī koī yaad aayā
lag ke dīvār se royā koī

na us ko bhuul paa.e haiñ na ham ne yaad rakkhā hai
dil-e-barbād ko is tarha se ābād rakkhā hai

hichkiyāñ aatī haiñ dil Duub rahā hai shāyad
aaj bhūle se tumheñ yaad mirī aa.ī hai