Tags-Yaad

qaid meñ hai tire vahshī ko vahī zulf kī yaad
haañ kuchh ik ranj-e-girāñ-bāri-e-zanjīr bhī thā

lekin pahlī baar 'alvī'
yaad nahīñ kyā sochā thā

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

chāragaroñ ke darmiyāñ us kī kamī rahī magar
shām-e-firāq-e-yār kā yaad se kaam chal gayā

mausam-e-hijr kī kaisī saa.at hai ye dil bhī hairān hai
mere kānoñ meñ kis ne tirī yaad kī bāliyāñ Daal diiñ

us kī yaad aa.ī hai sāñso zarā āhista chalo
dhaḌkanoñ se bhī ibādat meñ ḳhalal paḌtā hai

jab raqīboñ kā sitam yaad aayā
kuchh tumhārā bhī karam yaad aayā

kab hameñ hājat-e-parhez paḌī
ġham na khāyā thā ki sam yaad aayā

na likhā ḳhat ki ḳhat-e-peshānī
mujh ko hañgām-e-raqam yaad aayā

shola-e-zaḳhm se ai said-fagan
dāġh-e-āhū-e-haram yaad aayā

Thahre kyā dil ki tirī shoḳhī se
iztirāb-e-pa-e-ham yaad aayā

ḳhūbi-e-baḳht ki paimān-e-adū
us ko hañgām-e-qasam yaad aayā

khul ga.ī ġhair se ulfat us kī
jām-e-mai se mujhe jam yaad aayā

vo mirā dil hai ki ḳhud-bīnoñ ko
dekh kar aa.ina kam yaad aayā

kis liye lutf kī bāteñ haiñ phir
kyā koī aur sitam yaad aayā

aise ḳhud-rafta ho ai 'sheftā' kyuuñ
kahīñ us shoḳh kā ram yaad aayā

ab tire lams ko yaad karne kā ik silsila aur dīvāna-pan rah gayā
tū kahīñ kho gayā aur pahlū meñ terī shabāhat liye ik badan rah gayā

ab is se baḌh ke tire saath kyā mohabbat ho
maiñ tujh ko yaad karūñ aur sāmnā ho jaa.e

nasīm-e-yād-e-ġhazālāñ chalī na phuul khile
vo regzār mile mausam-e-javānī ko

jahāñ se aa ga.e haiñ us jahāñ kī yaad aatī hai
ki ham uryāñ saroñ ko sā.ebāñ kī yaad aatī hai