Tags-Yaad

shaam chāñdī sī ik yaad palkoñ pe rakh kar chalī jā.egī
aur ham raushnī raushnī apne andar utar jā.eñge

aatī hai koī yaad kabhī chāñd pahan kar
āñkhoñ meñ kisī shaam nikhar jaatī hai duniyā

dosto bas is lamha ham ko yaad kar lenā
jab kabhī gulistāñ meñ mausam-e-bahār aa.e

kaun se din tirī yaad ai but-e-saffāk nahīñ
kaun sī shab hai ki ḳhanjar se jigar chaak nahīñ

ishrat-e-duniyā-e-fānī kī kahānī aur hai
yaad meñ terī jo guzre zindagānī aur hai

abhī to bichhḌe hue log yaad ā.eñge
abhī to dard-e-dil-e-rā.egāñ salāmat hai

kaun kab ruuTh gayā kis ko kahāñ bhuul ga.e
aao kuchh yaad kareñ ḳhatm safar hone tak

mujh ko kuchh paudoñ kā zimma jo diyā hai yārab
yaad bhī rakhnā zarā un ke shajar hone tak

junūñ ke saḳht marāhil bhī terī yaad ke saath
hasīñ hasīñ nazar aa.e javāñ javāñ guzre

bahut aziiz hai mujh ko unheñ kyā yaad 'jigar'
vo hādsāt-e-mohabbat jo nā-gahāñ guzre

yād-e-yār kā aa jaanā bhī Thiik sahī
raaz magar gahrā hai dil ke machalne kā

ab us kī shakl bhī mushkil se yaad aatī hai
vo jis ke naam se hote na the judā mire lab

yaad aate haiñ saare pas-e-manzar
naqsh maazī ke jab ubharte haiñ

yād-e-qad-e-sanam meñ maiñ duuñ misāl us vaqt
jab kaam koī merā sarv-e-chaman se nikle

yaad karo jab raat huī thī
tum se koī baat huī thī

yaad aatā hai, ik din kisī se kahā thā
tujhe pahan kar duur ke shahr kī ajnabī dhartiyoñ meñ utar jā.ūñgā

yaad aatā hai, ik din mire rū-ba-rū: ek pur-shor aur be-karāñ bahr thā
yaad aatā hai, ik din mire rū-ba-rū: meñ koī jāgtā jagmagātā huā

kyā batā.ūñ dil meñ kis kī yaad kā
ek kāñTā chubh rahā hai mustaqil

tanhā.ī-e-basīt kā vo ahd yaad kar
jab tere paas koī bhī tere sivā na thā

sahrā-e-tajassus meñ talāsh apnī hai 'kausar'
kuchh yaad nahiñ apnā patā dekhiye kyā ho