Tags-Yaad

rahe din bhar vo mudda.ī mere
yaad kar ke muāmla shab kā

jitnī bāteñ yaad aatī haiñ vo likh letā huuñ sab
aur phir ek ek kar ke bhūltā rahtā huuñ maiñ

is ghane jañgal kā jalnā apnī sarhad se nikalnā
bastiyoñ ko yaad hai sab kuchh dhuāñ hote hue bhī

din kisī yaad ke saa.e meñ guzārā lekin
raat ham dard ke qadmoñ meñ bichhā kar so.e

sitam apne jo yaad aayā kareñge
to dil hī dil meñ pachhtāyā kareñge

kuchh to ehsās-e-mohabbat se huiiñ nam āñkheñ
kuchh tirī yaad ke bādal bhī bhigo jaate haiñ

baraste the bādal dhuāñ phailtā thā ajab chaar jānib
fazā khil uThī to sarāpā tumhārā bahut yaad aayā

is qadar pyaar se ai jān-e-jahāñ rakkhā hai
dil ke ruḳhsār pe is vaqt tirī yaad ne haat

yaad terī kabhī dastak kabhī sargoshī se
raat ke pichhle-pahar roz jagātī hai hameñ

'kaif'-e-hazīñ-o-ḳhasta kī yaad
mumkin ho to dil se nikāl

asīrī meñ bhī yād-e-gul karegī is tarah bulbul
qafas ke dar pe sar hogā, su-e-gulshan nazar hogī

ik tirī yaad bachā kar rakh lī
saarā sāmān-e-safar chhoḌ aa.e

muddatoñ yaad rakhegī duniyā
ham bhī ik aisā hunar chhoḌ aa.e

achānak tirī yaad kā silsila
añdhere kī dīvār ban ke girā

phir ishrat-e-sāhil yaad aa.ī phir shorish-e-tūfāñ bhuul ga.e
nairañgi-e-daurāñ ke maare nairañgi-e-daurāñ bhuul ga.e

yaad us kī kahāñ bhulā dī hai
ham ne āvāz bārhā dī hai

aap aa.e to ḳhayāl-e-dil-e-nāshād aayā
aap ne yaad dilāyā to mujhe yaad aayā

'kaif' pardes meñ mat yaad karo apnā makāñ
ab ke bārish ne use toḌ girāyā hogā

vo samāñ aaj bhī hai yaad 'jigar'
haañ magar jaise ḳhvāb kā aalam

ye reg-e-ravāñ yād-dahānī to nahīñ kyā
sahrā kisī dariyā kī nishānī to nahīñ kyā