Tags-Yaad

vo laḌkī yaad aatī hai
vo laḌkī ab na jaane kis ke bistar kī kiran hogī

zaḳhm risne lagā hai phir shāyad
yaad us ne kiyā hai phir shāyad

ham use yaad bahut ā.eñge
jab use bhī koī Thukrā.egā

aise meñ koī yaad aatā hai aise meñ koī yaad aatā hai
ghanghor ghaTā bijlī paanī dil siine meñ lahrātā hai

aise meñ koī yaad aatā hai aise meñ koī yaad aatā hai
ghanghor ghaTā bijlī paanī dil siine meñ lahrātā hai

aise meñ koī yaad aatā hai aise meñ koī yaad aatā hai
ghanghor ghaTā bijlī paanī dil siine meñ lahrātā hai

aise meñ koī yaad aatā hai aise meñ koī yaad aatā hai
ghanghor ghaTā bijlī paanī dil siine meñ lahrātā hai

aise meñ koī yaad aatā hai aise meñ koī yaad aatā hai
ghanghor ghaTā bijlī paanī dil siine meñ lahrātā hai

kyā kare pāmāl-e-ġham ik yād-e-māzī hī nahīñ
haal kī bhī talḳhiyāñ haiñ fikr-e-mustaqbil bhī hai

phir tire qaul-o-qasam yaad aa.e
tirī chāhat ke sitam yaad aa.e

kis qadar choT lagī hai dil par
jab bhī mar mar ke sanam yaad aa.e

yaad jab aayā tirā naam mujhe
kitne be-nām se ġham yaad aa.e

jaane vo kaisā safar thā merā
jis kā ik ek qadam yaad aa.e

phir mirā zehn hai uljhā uljhā
phir tirī zulf ke ḳham yaad aa.e

aur bhī yaad kī lau tez huī
jab bhī chāhā ki vo kam yaad aa.e

kaun 'betāb' pukāre ham ko
kis ko tanhā.ī meñ ham yaad aa.e

chamak rahe the andhere meñ soch ke jugnū
maiñ apnī yaad ke ḳheme meñ so nahīñ paayā

hai tujhe yaad karne kī ḳhvāhish bahut
dil jo ġhāfil kabhī ho tire dhyān se

vo shaam ho ga.ī mansūb un kī yaad ke naam
charāġh jal sā gayā dāġh-e-dil ubhar sā gayā

ye ḳhudā kī shaan to dekhiye ki ḳhudā kā naam hī rah gayā
mujhe taaza yād-e-butāñ huī jo haram se shor-e-azāñ uThā