Tags-Yaad

muddatoñ tak jo paḌhāyā kiyā ustād mujhe
ishq meñ bhuul gayā kuchh na rahā yaad mujhe

hameñ vāsta taḌap se hameñ kaam āñsuoñ se
tujhe yaad kar ke ro.e yā tujhe bhulā ke ro.e

yaad tum aa.e to phir ban ga.iiñ bādal āñkheñ
dil ke vīrāne ko karne lagīñ jal-thal āñkheñ

yaad nahīñ unheñ zarā tīra-diloñ kā ḳhūñ-bahā
haiñ tirī chashm-e-dast-o-pā surma-talab hinā-talab

paas apne jo nayā koī fusūñ-sāz aayā
ho rahe us ke hameñ yaad tirā naaz aayā

akele baiTh ke rote rahe ham
tumhārī yaad meñ duniyā bhulā kar

hālat-e-ġham ko na bhūlā chāhiye shādī meñ bhī
ḳhanda-e-gul dekh kar yaad ashk-e-shabnam kījiye

vahī āñgan vahī khiḌkī vahī dar yaad aatā hai
akelā jab bhī hotā huuñ mujhe ghar yaad aatā hai

mirī be-sāḳhta hichkī mujhe khul kar batātī hai
tire apnoñ ko gaañv meñ to akasr yaad aatā hai

jo apne paas hoñ un kī koī qīmat nahīñ hotī
hamāre bhaa.ī ko hī lo bichhaḌ kar yaad aatā hai

saphaltā ke safar meñ to kahāñ fursat ki kuchh socheñ
magar jab choT lagtī hai muqaddar yaad aatā hai

may aur june kī garmī badan se jab Tapaktī hai
november yaad aatā hai december yaad aatā hai

'mamnūñ' mujhe nasīhat-e-sā.ib ye yaad hai
tā sulh mumkin ast makun zīnhār bahas

yaad ke so.e hue qāfile jaag uThte haiñ
ḳhvāb ke kuchh na.e unvān nikal aate haiñ

mujhe us ne talab farmāyā hai maidān-e-hastī se
use phir yaad aayā hai koī kār-e-jahāñ shāyad

jab vo nahīñ hote pahlū meñ aur lambī rāteñ hotī haiñ
yaad aa ke satātī rahtī hai aur dil se bāteñ hotī haiñ

merī aahoñ ko abas hai nā-rasā.ī kā gila
dil meñ ghar karnā to sīkheñ yād-e-dilbar kī tarah

yād-e-gesū ik balā-e-jāñ-sitāñ hai hijr meñ
kaaTe khātā hai mirā ghar mujh ko azhdar kī tarah

shukr-e-ḳhāliq hai ki be-minnat maiñ hotā huuñ shahīd
dil ko yād-e-abrū-e-qātil hai ḳhanjar kī tarah