Tags-Zindagi

kaTne ko kaT rahī hai barābar shab-e-firāq
jiine ko jī rahā huuñ magar zindagī nahīñ

ārām se qafas meñ guzārūñgā zindagī
achchhā huā ki tāqat-e-parvāz hī nahīñ

zindagī ḳhud meñ 'amar' ḳhush thī bahut
maut ne kar dī sharārat kaisī

zindagī tanhā safar par gāmzan hotī huī
aur ham yādoñ ko pichhlī ham-qadam karte hue

zindagī terī bahār chamanistān-e-vafā
aabrū tere liye qaum se paimān-e-vafā

zindagī yuuñ bhī guzar hī jaatī
kyuuñ tirā rāhguzar yaad aayā

zindagī-dar-zindagī chaltī rahī
mas.ala-dar-mas.ala baaqī rahā

terā chehra arġhavānī terā dil-e-be-āb-o-rañg
zindagī kyā hai tirī qānūn se fitrat ke jañg

tū husūl-e-zar kī ḳhātir kis qadar bechain hai
kasab-e-daulat zindagī kā terī nasabulain hai

zindagī ko is kī yaksar talḳh kar detī hai tū
kaañp jaatā hai jigar vo chuTkiyāñ letī hai tū

bhārī hue yahāñ to subuk hogī zindagī
vahāñ to nazar se ham ko girānā garāñ na thā

kis be-dilī se hijr meñ kī ham ne zindagī
dil thā kahāñ ki yahāñ vo but-e-dilsitāñ na thā

nahīñ hai ġhair az numūd kuchh bhī jo mudda.ā terī zindagī kā
tū ik nafas meñ jahāñ se miTnā tujhe misāl sharār hogā

yā karo apnā kisī ko yā kisī ke ho raho
chaar din kī zindagī meñ lutf-e-tanhā.ī nahīñ

jise log kahte haiñ tīrgī vahī shab hijāb-e-sahar bhī hai
jinheñ be-ḳhudī-e-fanā milī unheñ zindagī kī ḳhabar bhī hai

tū zamāñ makāñ se guzar bhī jā tū rah-e-adam ko bhī kaaT le
vo savāb ho ki azaab ho kahīñ zindagī se mafar bhī hai

koī ahl-e-dil ko kamī nahīñ magar ahl-e-dil kā ye qaul hai
abhī maut bhī nahīñ mil sakī abhī zindagī meñ kasar bhī hai

lahad meñ zehn kī madfūn paikar-e-auhām
mirī ragoñ meñ machalte haiñ zindagī kī tarah

zindagī bhar ham isī ummīd par chalte rahe
ab ke sahrā paar kar leñ to samundar aa.egā

madār-e-zindagī Thahrā nafas kī āmad-o-shud par
havā ke zor se raushan charāġh-e-bazm-e-hastī hai