Tags-Zindagi

gulshan-e-hastī meñ insāñ kī nahīñ kuchh zindagī
jo huā paidā misāl-e-qatra-e-shabnam huā

zard-rū vahshat-zada bhaTkī huī vīrān sī
zindagī ik shaam hai aur shaam ban meñ Dhal rahī hai

mirī zindagī kā ye haal thā yahī shakl-e-rāh-ravī rahī
ki na ġham kā ġham hī rahā kabhī na ḳhushī kī mujh ko ḳhushī rahī

ham yaqīnan yahāñ nahīñ hoñge
ġhāliban zindagī rahegī abhī

paiġhām zindagī ne diyā maut kā mujhe
marne ke intizār meñ jiinā paḌā mujhe

zindagī us kī nasīb us ke haiñ rāteñ us kī
jis ko ho jalva-e-dīdār mayassar terā

kuchh aisī chal rahī thī havā dil nahīñ lagā
mele meñ zindagī ke zarā dil nahīñ lagā

'ḳhāvar' bhī zindagī se nabard-āzmā huā
kyā shaḳhs thā jo khel gayā apnī jaan par

hamāre daur-e-māzī kī na ham se pūchh ai 'hamdam'
vahī achchhe haiñ lamhe zindagī ke jo guzar jaa.eñ

aayā na zindagī kī haqīqat kā sañg-e-mīl
maiñ sarhad-e-dayār-e-fanā tak pahuñch gayā

kisī bhī moḌ pe rokā na gumrahī se mujhe
koī gila bhī nahīñ apnī zindagī se mujhe

husn se aañkh laḌī ho jaise
zindagī chauñk paḌī ho jaise

pyaar kī mīThī nazar se tū ne jab dekhā mujhe
talḳhiyāñ sab zindagī kī lutf-e-sāmāñ ho ga.iiñ

zindagī ko kabhī tartīb mayassar na huī
ruḳh badalte rahe hālāt har ik gaam ke saath

shāmil-e-hāl rahīñ un kī jafā.eñ 'maz.har'
zindagī varna guzartī mirī ārām ke saath

musalsal fikr-e-duniyā fikr-e-uqbā
ab aisī zindagī kyā zindagī hai

zindagī kā ye mirī kaun hai qātil jaane
maiñ huuñ mushkil meñ sazā duuñ to sazā duuñ kis ko

zindagī meñ yahī tamannā thī
dam-e-āḳhir tirā visāl to hai

bas ek tajraba kaafī hai zindagī ke liye
paḌhā na jā.egā ham se vahī sabaq phir se

zindagī sahl-pasandī meñ basar kar lenā
kār-e-dushvār bhī hotā hai nahīñ bhī hotā