Tags-Zindagi

har ghaḌī inqalāb meñ guzrī
zindagī kis azaab meñ guzrī

kis ḳharābī se zindagī 'fānī'
is jahān-e-ḳharāb meñ guzrī

kabhī kabhī safar-e-zindagī se ruuTh ke ham
tire ḳhayāl ke saa.e meñ baiTh jaate haiñ

tirī aarzū se bhī kyuuñ nahīñ ġham-e-zindagī meñ koī kamī
ye savāl vo hai ki jis kā ab koī ik javāb nahīñ rahā

ġharq-e-sāġhar kar ḳhumār-e-zindagī
tā-ḳhat-e-bāda ḳhat-e-taqdīr khīñch

na ho nasīb mohabbat kī zindagī tujh ko
sukūn-e-zīst ko DhūñDe qarār ko tarse

maut bhī zindagī kā hissa hai
zindagī ik hasīñ judā.ī hai

zindagī meñ kabhī kisī ko bhī
maiñ ne chāhā nahīñ magar tum ko

dā.eroñ meñ bhī na guzrī zindagī
ḳhvāhishoñ kā bhī koī mehvar na thā

sabhī ke kaam aa.e ibn-e-ādam
yahī dar-asl husn-e-zindagī hai

jise paḌhnā ho is meñ paḌh le sab kuchh
khulī merī kitāb-e-zindagī hai

mujh ko ik chup-chāp se chehre ne zaḳhmī kar diyā
maiñ ne aisī choT saarī zindagī khaa.ī na thī

kar diyā jis ne mujhe phir zindagī se ham-kanār
thā mirā zauq-e-yaqīñ terī masīhā.ī na thī

zindagī ke hasīn tarkash meñ
kitne be-rahm tiir hote haiñ

merī zindagī meñ jo baT na jaa.e ḳhānoñ meñ
mil sake to maiñ aisā koī bām-o-dar māñgūñ

miTTī kā rañg-o-nūr se rishta qadīm thā
har baar zindagī ne nayā tajraba kiyā

mānūs ho ga.e haiñ ġham-e-zindagī se ham
ham ko ḳhushī mile to na leñge ḳhushī se ham

lamha lamha jiyūñ tujhe jānāñ
tū agar merī zindagī ho jaa.e

vaqt ke kitne hī rañgoñ se guzarnā hai abhī
zindagī hai to ka.ī tarah se marnā hai abhī

har manzil-e-marg-āfrīñ meñ
sar-gashta-e-zindagī rahā huuñ