Tags-Zindagi

ab to takmīl kī bhī shart nahīñ
zindagī ab to ik tamannā de

na jaane kin pahluoñ meñ rah kar huī hai gahrī mirī udāsī
na jaane kin kin laboñ se pī kar ye zindagī pā ga.ī udāsī

hirs-o-havas ke saath bhī faanī hai zindagī
kyā is ke vāste koī sāmāñ baham karūñ

tū phir se aa gayā hai mirī zindagī meñ dost
is baat kā maiñ lutf uThā.ūñ ki ġham karūñ

dil ko rahe shu.ūr jo hāl-e-tabāh meñ
me.arāj-e-zindagī hai ġham-e-be-panāh meñ

mujh se nigāh pher ke kyoñ jā rahe ho tum
merī to zindagī hai tumhārī nigāh meñ

zindagī mahv-e-ḳhud-ārā.ī thī
aañkh uThā kar bhī na dekhā ham ne

zindagī ye tirī raftār ajab tarz kī hai
chalnā chāheñ to chaleñ ham tirī lai se kaise

zindagī se tujhe be-daḳhl to kar deñ jānāñ
par tū nikle bhī to nikle rag-o-pai se kaise

safar meñ ab bhī ādatan sarāb dekhtā huuñ maiñ
qarīb-e-marg zindagī ke ḳhvāb dekhtā huuñ maiñ

zindagī silsila-e-ḳhvāb-e-tamannā hai koī
raat bhar ḳhvāb ko ḳhvāboñ se badalte rahiye

zindagī kyā hai sarāboñ kā safar hai 'ābid'
vaqt kī ret pe din raat machalte rahiye

jab tak khulī nahīñ thī asrār lag rahī thī
ye zindagī mujhe bhī dushvār lag rahī thī

aadhī aadhī raat tak saḌkoñ ke chakkar kāTiye
shā.irī bhī ik sazā hai zindagī bhar kāTiye

aah is bahr meñ habāb kī tarah
apnī bhī zindagī hai koī dam

kaTī hai zindagī sab rañj khāte
kahe kyā umar bhar kī dāstāñ dil

tirā yaqīn huuñ maiñ kab se is gumān meñ thā
maiñ zindagī ke baḌe saḳht imtihān meñ thā

zindagī ke kaTahre meñ ik be-ḳhatā aadmī kī tarah
ham muḳhātib hue aap se be-navā aadmī kī tarah

yahī ek lamha
magar zindagī hai

shām-e-ġham yaad nahīñ sub.h-e-tarab yaad nahīñ
zindagī guzrī hai kis tarah ye ab yaad nahīñ