English
Favourite
Favourite
UrduShayarUrduShayar
Expand menu
Sign inAccount

Tags-Zindagi

zindagī jab se shanāsā-e-muhāllāt huī
sach to ye hai ki ḳhud apne se mulāqāt huī
Ghazal
 zindagi jab se shanasa-e-muhaallat hui
zindagī ham terī jānib aa rahe haiñ ek saath
ek saath aane kā matlab hai ki aa sakte nahīñ
Ghazal
 KHud mein utren to palaT kar wapas aa sakte nahin
zindagī mauj-e-talātum kī tarah ruk na sakī
yuuñ to har moḌ pe tūfān hazāroñ aa.e
Ghazal
 gham ke baadal dil-e-nashad pe aise chhae
niiñd ko log maut kahte haiñ
ḳhvāb kā naam zindagī bhī hai
Sher
 nind ko log maut kahte hain
insān kā havā pe madār-e-hayāt hai
kyā zindagī meñ jaan hai dam kā bharam ġhalat
Ghazal
 is gham ko gham kahen to kahen sau mein hum ghalat
zindagī par is se baḌh kar tanz kyā hogā 'farāz'
us kā ye kahnā ki tū shā.er hai dīvāna nahīñ
Sher
 zindagi par is se baDh kar tanz kya hoga faraaz
husn jab qātil na thā aur ishq dīvāna na thā
zindagī meñ dard-o-ġham kā koī afsāna na thā
Ghazal
 husn jab qatil na tha aur ishq diwana na tha
maiñ zindagī kī duā māñgne lagā huuñ bahut
jo ho sake to duāoñ ko be-asar kar de
Sher
 main zindagi ki dua mangne laga hun bahut
zindagī apnī nazar aane lagī sirf sarāb
kabhī guzre jo dil-e-zār ke vīrāne se
Ghazal
 har mulaqat mein lagte hain wo begane se
abhī dīvāngī meñ kuchh kamī mahsūs hotī hai
abhī ai shiddat-e-ġham zindagī mahsūs hotī hai
Ghazal
 abhi diwangi mein kuchh kami mahsus hoti hai
vafūr-e-talḳh-kāmī se ye uqda khul gayā āḳhir
jo hotī hai to ġham meñ zindagī mahsūs hotī hai
Ghazal
 abhi diwangi mein kuchh kami mahsus hoti hai
koī jiine ko samjhe māya-e-ishrat burā kyā hai
mujhe to ik ibādat zindagī mahsūs hotī hai
Ghazal
 abhi diwangi mein kuchh kami mahsus hoti hai
jaisā muztar thā zindagī meñ dil
vohīñ maiñ ne qarār meñ dekhā
Ghazal
 gul-o-bulbul bahaar mein dekha
girāñ huī thī ġham-e-zindagī kī dhuup magar
kisī kī yaad ne ik shāmiyāna taan liyā
Ghazal
 rah-e-wafa ke har ek pech-o-KHam ko jaan liya
ba-ehtiyāt chale rāh-e-zindagī phir bhī
jagah jagah hameñ gard-e-safar ne aan liyā
Ghazal
 rah-e-wafa ke har ek pech-o-KHam ko jaan liya
mirī zindagī kī zīnat huī āfat-o-balā se
maiñ vo zulf-e-ḳham-ba-ḳham huuñ jo sañvar ga.ī havā se
Sher
 meri zindagi ki zinat hui aafat-o-bala se
dam-e-yār tā-naza.a bhar lījiye
'saḳhī' zindagī tak to mar lījiye
Ghazal
 dam-e-yar ta-naza bhar lijiye
shāḳh se patta bhī uḌtā hai parinde kī tarah
zindagī kī koī chiñgārī tamannā.ī meñ hai
Ghazal
 nam is allah ke bande ka bhi ruswai mein hai
zindagī kā rāsta kāTnā to thā 'adam'
jaag uTh to chal diye thak ga.e to so liye
Ghazal
 humne hasraton ke dagh aansuon se dho liye
mirī zindagī ke mālik maiñ ye tujh se pūchhtā huuñ
mujhe kyoñ jahāñ meñ bhejā mirī kyā ḳhatā rahī hai
Ghazal
 jo tamam umr ban kar mera hausla rahi hai
Top Urdushayar.com