Tags-Zindagi

milī jo dil ko ḳhushī to ḳhushī se ghabrā.e
ham ajnabī kī tarah zindagī se ghabrā.e

kalī kalī kā badan phoḌ kar jo niklā hai
vo zindagī kā nahīñ maut kā taqāzā hai

ye kaisī kashmakash hai zindagī meñ
kisī ko DhūñDte haiñ ham kisī meñ

jo kho jaatā hai mil kar zindagī meñ
ġhazal hai naam us kā shā.erī meñ

yahī hai zindagī kuchh ḳhvāb chand ummīdeñ
inhīñ khilaunoñ se tum bhī bahal sako to chalo

ḳhvāboñ par iḳhtiyār na yādoñ pe zor hai
kab zindagī guzārī hai apne hisāb meñ

kabhī ḳhat ko tere chhupā liyā kabhī ashk aa.e to pī liye
mirī zindagī to guzar ga.ī isī parda-dārī-e-rāz meñ

bas ek marg-e-musalsal bas ek rañj-e-davām
kuchh aur shai hai ye ai 'arsh' zindagī to nahīñ

koī bhī pechīdgī haa.el nahīñ anvar-'sadīd'
zindagī hai sāmne manzar-ba-manzar aur maiñ

jaan bhī saath chhoḌ detī hai
ye sabaq zindagī se miltā hai

qayāmat sar tak aa pahuñchī hai rakh le haath āñkhoñ par
matā-e-zindagī kī rā.egānī kā tamāshā kar

zindagī kī rāgnī gaate hue
aaj jhanDā hai hamāre haath meñ

ye kā.enāt bhī kyā qaid-ḳhāna hai koī
ye zindagī bhī koī tarz-e-intiqām hai kyā

mujhe tujh se shikāyat bhī hai lekin ye bhī sach hai
tujhe ai zindagī maiñ vālihāna chāhtā huuñ

talāsh maiñ ne zindagī meñ terī be-shumār kī
jo tū nahīñ milā to tujh sī shakl iḳhtiyār kī

kabhī kā maar diyā hotā zindagī ne mujhe
ye shukr hai ki maiñ zinda-dilī se zinda huuñ

dil meñ jo dard hai raah kī gard hai jhaaḌ de jo use vo baḌā mard hai
dekh le zindagī garm hai sard hai chhoḌ shikva-gila tū use bhuul jā

is kā zavāl dekh ke vo saltanat na chhoḌ
is zindagī meñ lamha-e-sūd-o-ziyāñ na rakh

nayā zamāna jo duniyā ko raushnī baḳhshe
har aadmī ko na.ī ek zindagī baḳhshe

kyā zindagī hamārī
sab kuchh hai apne bas meñ