Tags-Zindagi

jo tire kushte haiñ ai mutrib pisar
hai unhoñ kī nālā-e-nai zindagī

ne havā ne abr ne saaqī ne mai
kījiye is tarah tā-kai zindagī

mar ga.e 'joshish' isī daryāft meñ
kyā kaheñ hai kaun sī shai zindagī

agar ye baat hai jiinā paḌegā terī shartoñ par
to phir ai zindagī jiine se ham inkār karte haiñ

bisāt-e-zindagī to har ghaḌī bichhtī hai uThtī hai
yahāñ par jitne ḳhāne jitne ghar haiñ

merī āñkhoñ meñ ḳhvāb baste haiñ
zindagī bhar maiñ ro nahīñ paayā

zindagī tirī ḳhātir tere dard-mandoñ ne
ik jahān kī tohmat apne sar uThā.ī hai

is kitāb-e-zīst ke bhī āḳhirī safhe talak
khīñch Daale qaus ne bhī zindagī par dā.ere

raushnī kī Dor thāme zindagī tak aa ga.e
chor ahd-e-sāmrī ke jal-parī tak aa ga.e

ḳhud naved-e-zindagī laa.ī qazā mere liye
sham-e-kushta huuñ fanā meñ hai baqā mere liye

zindagī meñ to na ik dam ḳhush kiyā hañs bol kar
aaj kyuuñ rote haiñ mere āshnā mere liye

maiñ huā chāhtā thā be-qābū
zindagī ho ga.ī magar dar-pesh

duniyā kī zindagī kā tasavvur hai sub.h-e-hashr
jaagā huuñ ḳhud ko ḳhvāb meñ bedār dekh kar

rabāb-e-zindagī ke zamzamoñ par jhūmne vaale
har ik naġhme meñ nā-mālūm sā mātam bhī hotā hai

le ke bār-e-zindagī kab tak koī phirtā rahe
rāhzan hī luuT le jab rahnumā koī nahīñ

aa.e Thahre aur ravāna ho ga.e
zindagī kyā hai, safar kī baat hai

sulagtī chiñgāriyāñ jahāñ baḌhtī raakh meñ dab ke so ga.ī thiiñ
jahāñ fasurda ġhubār meñ zindagī to kyā maut bhī nahīñ thī

hai ġhamoñ kā vo bhañvar jis meñ phañsā huuñ ai 'mukesh'
zindagī ko mirī ḳhushiyoñ kā kinārā na milā

zindagī ke imtihāñ meñ hausla detī hai ye
chāhne vāloñ ko ūñchā martaba detī hai ye

zindagī paatī hai is se aap ḳhud apnī ḳhabar
zindagī paatī hai is se ik maqām-e-mo.atabar