Tags-Zindagi

karb kī aag meñ jalā hai badan
zindagī aa mujhe bachā mujh meñ

ek shah pe bach jaa.e shah pe shah chalī aa.e
maut ke khilāḌī ko zindagī ne gherā hai

isī se dil isī se zindagi-e-dil samajhte haiñ
magar hāsil se baḌh kar sa.i-e-be-hāsil samajhte haiñ

kabhī sunte the ham ye zindagī hai vahm o be-ma.anī
magar ab maut ko bhī ḳhatra-e-bātil samajhte haiñ

uTh ki duniyā ko tire zauq-e-talab se kaam hai
zindagī kyā hai faqat sa.ī-e-amal kā naam hai

uTh ki be-zauq-e-amal ye teġh bhī be-kār hai
to bhī terī zindagī bhī naqsh-bar-dīvār hai

kuchh is tarah se huī zindagī kī barbādī
koī misāl nahīñ is misāl se pahle

ek hī naddī ke haiñ ye do kināre dosto
dostāna zindagī se maut se yaarī rakho

zindagī-bhar jo mashīnoñ ko lahū dete haiñ
aa ke kuchh der mirī bazm meñ hañs lete haiñ

ham-nashīñ itnā batā de kyā karūñ tere baġhair
kis tarah sāñsoñ se aarī zindagī qaa.em rahe

hai 'amīr' dil meñ vahī chamak jo paḌī thī nuur kī ik jhalak
vahī ek partav-e-husn to mirī zindagī ko sajā gayā

ek ek saa.at meñ zindagī samonī hai
ek ek jazbe meñ inqalāb rakhnā hai

jo qatra qatra piyā ham ne zindagī kā zahr
to 'rind' ban ke har ik dil kā dard bahne lage

gilā nahīñ tujh se zindagī ke vo zāviye hī badal chuke haiñ
mirī vafā vo tire taġhāful kī nauha-ḳhvāñ thak ke so ga.ī hai

do ghūñT par sharāb ke hai hasr zindagī
rāteñ shabāb kī haiñ na bāteñ shabāb kī

safar kī shaam mirī zindagī ke māthe par
bas ik sitāra tire nuur āstāne kā

ḳhud savāl aap hī javāb huuñ maiñ
zindagī kī khulī kitāb huuñ maiñ

jis ke jaane se tārīk thī zindagī
ḳhāna-e-dil meñ bā-āb-o-tāb aa gayā

saḳht jān-levā hai sādgī mohabbat kī
zahr kī kasauTī par zindagī ko kastī hai

zindagī kā lutf bhī aa jā.egā
zindagānī hai to dekhā jā.egā