Collections

Lab Shayari

Motivational Ghazals

Best Khamoshi Shayari

More Collections

Tags-Zindagi

ba-sad-ḳhulūs rahā saath zindagī bhar kā
muqābla bhī zamāne se dostāna huā

zaban-e-KHalq pe aaya to ek fasana hua

har ek lamha kiyā qarz zindagī kā adā
kuchh apnā haq bhī thā ham par vahī adā na huā

zaban-e-KHalq pe aaya to ek fasana hua

ishq kyā chiiz hai ye pūchhiye parvāne se
zindagī jis ko mayassar huī jal jaane se

ishq kya chiz hai ye puchhiye parwane se

husn ne itnā taġhāful merī hastī se kiyā
rafta rafta zindagī kā mujh pe ilzām aa gayā

chashm-e-saqi ka tasawwur bazm mein kaam aa gaya

benām-o-numūd zindagī kā
ik bojh uThā.e phir rahā huuñ

lamhon ke azab sah raha hun

aise mauqoñ par jab aa.eñ zindagī meñ mushkileñ
jin kī jānib dekhnā ho bhuul kar mat dekhnā

dil mein ho gar KHwahish-e-taswir-e-ibrat dekhna

be-jān pattharoñ se kare zindagī kashīd
dīvār-e-ḳhisht-o-sañg se paudā nikāl de

fasl-e-KHizan mein shaKH se patta nikal de

mujh se bāhar zindagī āzādiyāñ ābādiyāñ
aur is tārīk se kamre ke andar maiñ akelā

kis bharose pe nikalta ghar se bahar main akela

chhīn liiñ ḳhushiyāñ mirī āñkhoñ se merī niiñd bhī
zindagī tū ne mujhe ab tak diyā kuchh bhī nahīñ

jaan tak kar di fida lekin sila kuchh bhi nahin

aap kī bātoñ meñ aa kar kho diyā dil kā sukūñ
zindagī meñ dekhiye merī bachā kuchh bhī nahīñ

jaan tak kar di fida lekin sila kuchh bhi nahin

koī to ho jo mujhe zindagī hī meñ paa.e
kisī ke haath meñ aayā ḳhazāna ho jā.ūñ

ba-zom-e-KHud kahin KHud se wara na ho jaun

zindagī-bhar na ho sahar jis kī
ham ko us shaam se mohabbat hai

ranj-o-alam se mohabbat hai

be-kaif kaT rahī thī musalsal ye zindagī
phir ḳhvāb meñ vo ḳhvāb sā paikar milā mujhe

uski gali mein zarf se baDh kar mila mujhe

maut bhī kuchh zindagī se kam nahīñ
ye añdherā raushnī se kam nahīñ

maut bhi kuchh zindagi se kam nahin

hamārī zindagī kyā silsila ik dil dhaḌakne kā
hamārī maut kyā jumbish hai ik jazbāt-e-pinhāñ kī

dil-e-azada-rau mein wo tamanna thi bayaban ki

maiñ roz martā huuñ is intizār ke sadqe
burā na maan agar zindagī vafā na kare

hayat ras na aae ajal bahana kare

Unpublished Ghazal

اور تو رکھنے کو ہم دہر میں کیا رکھتے تھے

zindagī thaam liyā karte haiñ baḌh kar lamhe
vaqt aane pe badalte haiñ muqaddar lamhe

zindagi tham liya karte hain baDh kar lamhe

zindagī aaj bhī masrūf bahut hai lekin
ham chale aa.e tire paas churā kar lamhe

zindagi tham liya karte hain baDh kar lamhe

zindagī-bhar paḌhī taqdīr kī ḳhufiya tahrīr
lauh-e-marqad se paḌhūñ aage kā likkhā kyā hai

hosh mein aaun to sochun abhi dekha kya hai