Tags-Zindagi

aisā hone nahīñ detā thā magar hone ko hai
zindagī ab to na jiine meñ basar hone ko hai

zahr ījād karo aur ye paiham socho
zindagī hai ki nahīñ dūsre sayyāroñ meñ

tirī nigāh-e-karam zindagī sañvār ga.ī
jahān-e-dil meñ vo pahlī sī barhamī na rahī

dard-o-ġham zamāne ke aur ek jī tanhā
āñdhiyoñ meñ jaltī hai sham-e-zindagī tanhā

saf-ba-saf dushman hī dushman haiñ mire chāroñ taraf
hausla dekho ki phir bhī zindagī maujūd hai

hai ajab e.ajāz ye us kī mohabbat kā 'zafar'
jāgtī āñkhoñ meñ ḳhvāb-e-zindagī maujūd hai

zindagī itnī der mohlat de
jab talak nāma-bar nahīñ aatā

har duā gar qubūl ho jaa.e
zindagī hī fuzūl ho jaa.e

tujhe to khīñch na paa.ī hayāt kī 'farhat'
jo tujh se ho sake ye zindagī kā patthar khīñch

shu.ūr-e-puḳhta kī ḳhair ho jis ne zindagī ko bachā liyā hai
tirī nigāh-e-karam-numā ne diyā to thā umr-bhar kā dhokā

dikhā.ī detī hai masḳh 'nayyar' hasīn sūrat bhī zindagī kī
qusūr hai ā.īne kā is meñ ki hai ye ā.īna-gar kā dhokā

zindagī tū ne to sach hai ki vafā ham se na kī
ham magar ḳhud tujhe Thukrā.eñ zarūrī to nahīñ

dekh ye baar kabhī sar se utartā hī nahīñ
zindagī bhar kī musībat hai na ehsān uThā

ham bahut chhoTe haiñ
hamārī zindagī

kho na jaa.e kahīñ har ḳhvāb sadāoñ kī tarah
zindagī mahv-e-tajassus hai havāoñ kī tarah

kabhī mā.il-ba-rifāqat kabhī mā.il-ba-gurez
zindagī ham se milī terī adāoñ kī tarah

kaun sī duniyā meñ huuñ kis kī nigahbānī meñ huuñ
zindagī hai saḳht mushkil phir bhī āsānī meñ huuñ

ḳhūb-sūrat thī ye kashmīr kī vaadī jaisī
zindagī tere binā lagtī hai chañmbal kī tarah

jaañ nazr kī to donoñ jahāñ mil ga.e hameñ
tai marg o zindagī kā har ik marhala huā

jigar meñ dard to hai dil meñ iztirāb to hai
tumhāre ġham meñ mirī zindagī ḳharāb to hai