Tags-Zindagi

zindagī hai vahī sad-rañg mire chāroñ taraf
kuchh dinoñ se magar is kā koī pahlū kam hai

ġham-e-firāq meñ kyā lutf-e-zindagī hai 'hafīz'
hameñ to maut hī behtar hai aise jiine se

zindagī se mile hue ho tum
vo bhī mujh se mazāq kartī hai

vo be-niyāz-e-dard-o-ġham-e-zindagī 'niyāz'
vo log bā-farāġh haiñ merī nigāh se

firāqe-e-gul meñ kaTī zindagī ḳhizāoñ kī
surāġh-e-gul meñ luTe qāfile bahāroñ ke

maiñ dhoke hī khāyā kiyā zindagī meñ
qayāmat thī us āshnā kī lagāvaT

'shamīm' le ke kahāñ aa.ī zindagī mujh ko
ajiib shahr hai hamdam kahāñ adū bhī nahīñ

shikast-e-fāsh kā ġham zindagī jiine se bad-tar hai
jhukāne kī bajā.e sar kaTā lete to achchhā thā

zindagī apnī bahar-hāl guzar jā.egī
tū na hogā tirī dīvār kā saaya hogā

'shahzād' zindagī ke jhamele hazār haiñ
duniyā nahīñ pasand to aa aur dekh le

phir yuuñ huā ki zindagī ik bojh ban ga.ī
ik shaḳhs mere haath se yak-laḳht kho gayā

zindagī meñ be-adab hone na de tū ro.ab-e-husn
ḳhaak hai merī pas-az-marg aur dāman yaar kā

palaT chukā huuñ varaq zindagī ke ai 'aḳhtar'
harīm-e-shab meñ dabe paañv phir bhī aa.e vo

jab nahīñ kuchh e'tibār-e-zindagī
is jahāñ kā shaad kyā nāshād kyā

go zindagi-e-zāhid-e-be-chāra abas hai
itnā hai ki rahtī to hai tadbīr vazū kī

mujhe jis ne merā patā diyā vo ġham-e-nihāñ mire saath hai
mirī zindagī mirī raushnī dil‌-be-amāñ mire saath hai

baḌī muddatoñ ke ba.ad jo ab tirī yaad aa.ī to yuuñ lagā
sar-e-dasht-e-vahshat zindagī koī mehrbāñ mire saath hai

kal zindagī se apnī kuchh aise ḳhafā thā maiñ
tum ne ye samjhā siine se armāñ nikal gayā

kabhī āñkhoñ pe kabhī sar pe biThā.e rakhnā
zindagī talḳh sahī dil se lagā.e rakhnā

lutf lenā hai zindagī kā to
ḳhud ko ḳhatroñ meñ Dālte rahiye