Tags-Zindagi

ik pal ko bhī sukūn na de zindagī 'shamīm'
aur bhāgnā bhī chāhūñ to ye rāstā na de

zindagī roz nayā ruup dikhātī mujh ko
aur maiñ hañs ke use ḳhvāb vadī.at kartā

ye be-ḳhudī hai mire aish-e-zindagī kī kafīl
nigāh-e-shauq abhī mahv-e-rū-e-jānāñ hai

navard gudāz jo bhī thā dil kī lagī kā khel thā
shīsha-e-zindagī ko ham sham-e-ḳhayāl de ga.e

jitnī āsāniyāñ hotī haiñ farāham din raat
zindagī utnī hī dushvār huī jaatī hai

zindagī kis maqām se guzrī
hasrat-e-nañg-o-nām se guzrī

zindagī ġham se sañvartī hai nikhartī hai qamar
zindagī ko yūñhī ālūda-e-ġham rahne de

vo be-hunar huuñ ki hai zindagī vabāl mujhe
kamāl gar nahīñ detā to de zavāl mujhe

huā tulūa sitāroñ kī dilkashī le kar
surūr aañkh meñ nazroñ meñ zindagī le kar

zindagī maut ban ga.ī hotī jaan se ham guzar ga.e hote
itne ishrat-zada haiñ ham ki agar ġham na hotā to mar ga.e hote

kahāñ ke ishq-o-mohabbat kidhar ke hijr o visāl
abhī to log taraste haiñ zindagī ke liye

zindagī ke naam par jab zindagī mujh ko milī
imtihāñ-dar-imtihāñ likkhā gayā merā nasīb

kab talak piitā rahūñ ai zindagī maiñ jām-e-ġham
kab talak mujh se rahe kā yuuñ ḳhafā merā nasīb

sunā hai zindagī koī tah-e-samundar hai
bhañvar ke haath meñ ye bādbān de duuñ kyā

mire liye to tirā ilāqa hai shahr-e-mamnūa jaisā lekin
khañDar khañDar zindagī ko maiñ ne galī dikhā dī gulāb vaalī

zarā chashm-e-karam se dekh lo tum
sahārā DhūñDhtā huuñ zindagī kā

yuuñ mohabbat ko umr-bhar paḌhnā
zindagī imtihān ho jaise

farhat-ehsās apnī miTTī kā dhaḌaktā dil sambhāl
ba.ad marne ke jo tujh ko zindagī darkār hai

zindagānī kī haqīqat kohkan ke dil se pūchh
jū-e-shīr o tesha o sañg-e-girāñ hai zindagī

ham ki tajdīd-e-ahd-e-vafā kar chale ābrū-e-junūñ kuchh sivā kar chale
ḳhud to jaise kaTī zindagī kaaT lī haañ na.e daur kī ibtidā kar chale