Tags-Zindagi

zindagī bhes badal kar jahāñ fan bantī hai
'mīr'-o-'ġhālib' kā vo andāz-e-bayāñ hai urdu

dil ke andar dard āñkhoñ meñ namī ban jā.iye
is tarah miliye ki juzv-e-zindagī ban jā.iye

sach ye hai ki zindagī ho yā maut
har chiiz burī hai muflisī kī

aise buzurg baḳht rahā jin kā nā-rasā
aisoñ se zindagī kī duā lenā chāhiye

zindagī ke peḌ se
ek pattā aur gir kar

sabā to kaliyoñ ko zindagī de
chaman ke kāñToñ ko bhuul jaa.e

ham to bas ye kahte haiñ roz jiine marne ko
aap chāheñ kuchh samjheñ zindagī na samjhā jaa.e

jo dekhe to isī se hai zindagī mere
magar miTā bhī rahī hai yahī havā mujh ko

bebasī sī ajab zindagī meñ ik aisī bhī aa.ī ki jab
ham ne chup-chāp hāthoñ ko rasm-e-hinā ke havāle kiyā

bas ik tajallī-e-rañgīñ bas ik tabassum-e-nāz
riyāz-e-dahr meñ phūloñ kī zindagī kyā hai

zindagī hai yā koī tūfān hai
ham to is jiine ke hāthoñ mar chale

begāna ḳhalq se haiñ na tujh se ḳhafā haiñ ham
ai zindagī muaaf ki dair-āshnā haiñ ham

tishnagī miT na sakī kām-o-dahan kī 'fāriġh'
zindagī muft meñ marhūn-e-ḳharābāt huī

kabhī kabhī lagtā hai
jaise zindagī

terī marzī ho to chakh leñ apnī marzī kā maza
zindagī kar lene de thoḌī sī man-mānī hameñ

zindagī par band ho kar rah ga.e haiñ rāste
kis jagah le aa.ī hai is dil kī man-mānī hameñ

vo jalāl-e-sheva-e-sādgī vo jamāl-e-sūrat-e-zindagī
vo zulāl-e-chashma-e-āgahī ki zamāna-bhar ko jagā diyā

hai ruuh tārīkiyoñ meñ hairāñ bujhā huā hai charāġh-e-manzil
kahīñ sar-e-rāh ye musāfir paTak na de bojh zindagī kā

ḳhvāhisheñ siine meñ ug aatī haiñ jañgal kī tarah
zindagī bāñhoñ meñ bharnā itnā āsāñ bhī nahīñ

ham bāda-kash to mai ko samajhte haiñ zindagī
ai vā.iz-e-buzurg tirā kyā ḳhayāl hai