Tags-Zindagi

ye bhī ek ne.amat hai kaash tum samajh paao
zindagī ke andar jo apne ik ḳhalā sī hai

fursat-e-shauq ġhanīmat hai uThā bhī sāġhar
zindagī ek chhalaktā huā paimāna sahī

manzil-e-sidq-o-safā kā rāsta apnā.iye
kārvān-e-zindagī ke rahnumā ban jā.iye

ye to sach hai zindagī zinda-dilī kā naam hai
zindagī ke naam par itnā bhī mat itrā.iye

nigāh-e-nāz-e-ibārat hai zindagī jis se
sharīk-e-dard to kyā dard-āshnā bhī nahīñ

asl zindagī hai kyā kyā khule ki tum ne to
saañs kī kasauTī par zindagī ko parkhā hai

maiñ khañDaroñ kī zamīñ pe kab se bhaTak rahā huuñ
yahīñ kahīñ zindagī ke ma.anī gire haiñ aur gir ke kho ga.e haiñ

jab maiñ us aadmī se duur huā
ġham mirī zindagī se duur huā

zindagī bhar yūñhī mahakte raheñ
merī bāñhoñ meñ baaġh āñkhoñ ke

zindagī sāz-e-shikasta kī fuġhāñ hī to nahīñ
zamzama-sanj bhī hai marsiyāñ-ḳhvāñ hī to nahīñ

ik pal meñ ik sadī kā mazā ham se pūchhiye
do din kī zindagī kā mazā ham se pūchhiye

haa.e phūloñ ke muqaddar pe bhī dil rotā hai
zindagī un kī bhī kāñToñ meñ basar hotī hai

zindagī tez dhuup kā dariyā
aadmī naav mom kī 'anjum'

zindagī jabr hai aur jabr ke āsār nahīñ
haa.e is qaid ko zanjīr bhī darkār nahīñ

maiñ gāhe-gāhe use yaad kar hī letā thā
isī bahāne mirī zindagī bachī huī thī

yuuñ guzartā rahā zindagī kā safar
bin tumhāre qadam Dagmagāte rahe

vo the pahlū meñ aur thī chāñdnī raat
hamārī zindagī thī bas vahī raat

un kī nazar se dil kī ye bahs ho rahī hai
kyā chiiz zindagī meñ maqsūd-e-zindagī hai

tābinda har-nafas hai ummīd kī badaulat
mehrāb-e-zindagī meñ ik sham.a jal rahī hai

vabasta-e-nafas hai nazm-o-nizām-e-hastī
ya.anī havā pe qaa.em buniyād=-e-zindagī hai