Tags-Zindagi

tirī ik ik nazar le kar payām-e-zindagī aa.ī
mirī jānib se lekin kab mohabbat meñ kamī aa.ī

zindagī sone kī mohlat nahīñ detī hai 'diyā'
ḳhvāb ta.abīr ke āñchal se bañdhe rahte haiñ

varna maiñ kab kī mar ga.ī hotī
zindagī kī asaas hai ik shaḳhs

zindagī kyā jo basar ho chain se
dil meñ thoḌī sī tamannā chāhiye

zindagī tū ne to sach hai ki vafā ham se na kī
ham magar ḳhud tujhe Thukrā.eñ zarūrī to nahīñ

ye paimāna sharāb-e-tez se bharne nahīñ detī
koī shai zindagī meñ hai vahī marne nahīñ detī

liye jaatī hai naḳhl-e-ārzū tak zindagī 'ḳhālid'
magar dāman atā-e-naḳhl se bharne nahīñ detī

zindagī ke rāstoñ par reñgte logoñ ke biich
sar uThāte bolte kuchh sar bahut achchhe lage

zindagī terī anā ko rauñd kar aate hue
bādshāh-e-vaqt ko lashkar bahut achchhe lage

hamesha us ke chehre par ajab sā ḳhauf rahtā hai
kabhī jab maut merī zindagī se baat kartī hai

zindagī tū ne baḌī der lagā dī varna
maiñ tujhe miltā tire gaal pe bosa detā

sitam ke parde meñ phir karam kar sukūn ko iztirāb kar de
dil-e-fasurda ko zindagī de shabāb ko phir shabāb kar de

zindagī chhoḌ de kab saath bharosa hī nahīñ
maut insāñ ko mere bhaa.ī kahāñ chhoḌtī hai

kaisī ye zindagī hai ki phir bhī hai shauq-e-zīst
gauhar-nafas ik aah kiye jā rahā huuñ maiñ

ragḌā masāla bachcho jis shaḳhs ne na khāyā
samjho ki zindagī kā us ne maza na paayā

maut ko kahiye ilāj-e-ġham-e-hastī lekin
zindagī kaun se jurmoñ kī sazā Thahrī hai

vo shab-e-dard-o-soz-o-ġham kahte haiñ zindagī jise
us kī sahar hai tū ki maiñ us kī azaañ hai tū ki maiñ

khīñch lī hai kamāñ maiñ ne iz.hār kī
ab zarā phir kaho zindagī vahm hai

zindagī bahut masrūf ho ga.ī hai
jo ḳhvāb mujhe aaj dekhnā thā

zindagī bahut masrūf ho ga.ī hai
apnī saarī pūñjī bech kar