Tags-Zindagi

zindagī ke is safar meñ har ravish
ik rah-e-dushvār ho kar rah ga.ī

rahīl-e-shauq se larzāñ thā zindagī kā shu.ūr
na jaane kis liye ham be-ḳhabar se guzre haiñ

zaḳhm-e-furqat ko palkoñ se siite hue saañs lene kī aadat meñ jiite hue
ab bhī zinda ho tum zindagī ne kahā zindagī ke liye ek taaza ġhazal

mohabbat pe shāyad zavāl aa rahā hai
ki ab zindagī kā savāl aa rahā hai

jin kī saarī zindagī darbār-dārī meñ kaTī
un ko rusvā bar-sar-e-darbār honā thā hue

jin ko saarī zindagī zom-e-masīhā.ī rahā
un ko āḳhir ek din bīmār honā thā hue

chalo julūs kī sūrat meñ zindagī vaalo
zarā sī der meñ lamha guzarne vaalā hai

kis ḳharābī meñ huā paidā jamāl-e-zindagī
asl kis naql-e-makāñ meñ rā.egāñ hotī ga.ī

ye zindagī kī āḳhirī shab hī na ho kahīñ
jo so ga.e haiñ un ko jagā lenā chāhiye

Dartā huuñ zindagī ke vasīle nahīñ mile
ā.ankhoñ ko ab ke ḳhvāb rañgīle nahīñ mile

hai yahāñ nā-paid ḳhatt-e-mustaqīm
zindagī hai pech-o-ḳham kā silsila

mere tajvīz-karda nusḳhe ke mutābiq
apnī zindagī ko pur-sukūn aur ḳhush-gavār banāne ke liye aap ko

jiite jī dīdār-e-jānāñ thā muhāl
zindagī meñ mujh ko mar jaanā paḌā

zindagī meñ jab na 'afqar' aa.e vo
zindagī ko maut ban jaanā paḌā

mirī zindagī hai sarāb sī kabhī maujzan kabhī tishna-dam
kabhī intizār kī dhuup sī kabhī qurbatoñ kā koī bharam

baaz aa ai banda-e-husn-e-majāz
yuuñ na apnī zindagī barbād kar

zindagī dam-ba-dam yahī tūfāñ
tum hirāsāñ hue zarā dam meñ

'suhail-ahmad' samajh kar sarf karnā
zarā sī zindagī lagtī bahut hai

ḳhat likhā yaar ne raqīboñ ko
zindagī ne diyā javāb mujhe

maut ik darinda hai zindagī balā sī hai
sub.h bhī udāsī hai shaam bhī udāsī hai