Tags-Zindagi

chand lamhe ko tū ḳhvāboñ meñ bhī aa kar jhāñk le
zindagī tujh se mile kitne zamāne ho ga.e

zindagī mere qadmoñ tale hai
maut mujh pe ab aañsū bahā.e

zindagī se javāb māñgūñgā
har ghaḌī kā hisāb māñgūñgā

dard ke sāñche meñ Dhal kar rah ga.ī
zindagī karvaT badal kar rah ga.ī

har chashm sañg-e-kizb-o-adāvat se surḳh hai
ab aadmī ko zindagī karnā kahāñ se aa.e

sāyoñ pe e'timād se uktā gayā hai jī
tūfāñ meñ zindagī kā bharosa kahāñ se aa.e

ḳhaak sahrāoñ kī palkoñ pe sajā lī ham ne
zindagī jaisī milī hañs ke nibhā lī ham ne

ḳhaak se taḳhlīq hogī ātish-o-āb-o-havā
zindagī ḳhud apnā sāmān-e-safar bhī lā.egī

hama kashmakash mirī zindagī kabhī aa ke dekh ye bebasī
tirī yaad vaj.h-e-sukūñ sahī vahī rāz-e-dīda-e-tar bhī hai

dil ke hāthoñ ḳharāb ho jaanā
zindagī kāmyāb ho jaanā

ai dil kise nasīb ye taufīq-e-iztirāb
miltī hai zindagī meñ ye rāhat kabhī kabhī

zindagī ḳhvāhishoñ kā maqtal hai
dil kī duniyā meñ ek halchal hai

ubuur kar luuñ abhī zindagī kā vīrāna
khaḌā huā hai magar rāste meñ Dar merā

tirī aur zindagī hai mirī aur zindagī hai
maiñ bulandiyoñ kā juuyā to asīr-e-āshiyāna

dil bujh gayā to raat kī sūrat thī zindagī
jab tak ye ik charāġh rahā raushnī rahī

gum huā jaatā hai koī manziloñ kī gard meñ
zindagī bhar kī masāfat rā.egāñ hone ko hai

maut se mil leñ kisī gosha-e-tanhā.ī meñ
zindagī se jo kisī din hameñ fursat dī jaa.e

ġhamoñ se khelte rahnā koī hañsī bhī nahīñ
na ho ye khel to phir lutf-e-zindagī bhī nahīñ

zindagī yūñhī bahut kam hai mohabbat ke liye
ruuTh kar vaqt gañvāne kī zarūrat kyā hai

zindagī hai mirī mushkil meñ paḌī
ishq hai ki be-ḳhabar mārtā hai