Collections

Lab Shayari

Motivational Ghazals

Best Khamoshi Shayari

More Collections

Tags-Zindagi

tabassum-e-lab-e-jānāñ se khelne vaale
ġham-e-vafā ko ġham-e-zindagī samajhte haiñ

sukut-e-lab ko shikasta-dili samajhte hain

junūñ kī daad bhulā deñge kyā ḳhirad ke ġhulām
jo zinda-dil haiñ use zindagī samajhte haiñ

sukut-e-lab ko shikasta-dili samajhte hain

zindagī ke bahut qarīb na jā
fāsla kuchh to apne dhyān meñ rakh

silsile hadson ke dhyan mein rakh

milā bhī to vo ġham-e-zindagī ke kaam aayā
mire liye har ik aañsū meñ ek jaam aayā

saf-e-hayat se jab koi tishna-kaam aaya

tumhārī guftugū se aas kī ḳhushbū chhalaktī hai
jahāñ tum ho vahāñ pe zindagī mālūm hotī hai

tumhaari guftugu se aas ki KHushbu chhalakti hai

zindagī aise bhī hālāt banā detī hai
log sāñsoñ kā kafan oḌh ke mar jaate haiñ

log kahte hain ki is khel mein sar jate hain

zindagī se jañg meñ ye ma.arka hotā rahā
ik rajaz maiñ ne paḌhā aur ek vaar us ne kiyā

kaun kahta hai ki yunhi raazdar usne kiya

maiñ lahza lahza kaT ke gir rahā huuñ andhī khaa.ī meñ
ye zindagī kā rāsta nahīñ hai pul-sirāt hai

na nind hai na KHwab hai na yaad hai na raat hai

'shād' kyā kuchh kam haiñ do kam saaTh saal
zindagī se bas dil apnā bhar gayā

kis buri saat se KHat le kar gaya

jaane kis liye rūThī aise zindagī ham se
naam tak nahīñ pūchhā baat bhī na kī ham se

jaane kis liye ruThi aise zindagi humse

zindagī kī chilchilātī dhuup meñ aisā huā
muddatoñ ham par na terī yaad kā saayā huā

aaj tak phirta raha main tujh mein hi khoya hua

ummīd-e-marg pe 'fānī' nisār kyā kiije
vo zindagī ki huī bhī to musta.ār huī

shabab-e-hosh ki fil-jumla yaadgar hui

ik musalsal be-vaqūfī kā amal hai zindagī
mere hisse meñ jo aayā vo muqaddar tū bhī dekh

kakrochon makDiyon ki fasl aa kar tu bhi dekh

badalte mausamoñ kā ḳhvāb huuñ kitne zamānoñ se
yahāñ maiñ kārvān-e-zindagī ke saath chaltā huuñ

kisi ko chhoD deta hun kisi ke sath chalta hun

zindagī ḳhud ko na is ruup meñ pahchān sakī
aadmī lipTā hai ḳhvāboñ ke kafan meñ aisā

main hi ek shaKHs tha yaran-e-kuhan mein aisa

pyāse haiñ jaise ek samundar meñ rah ke ham
tere baġhair zindagī karne kā Dhab na pūchh

dil dukh na jae baat koi be-sabab na puchh

maut hī insān kī dushman nahīñ
zindagī bhī jaan le kar jā.egī

maut hi insan ki dushman nahin

duniyā hamāre haath meñ hai geñd kī tarah
ham kar rahe haiñ zindagī jab se barā.e ishq

hota hai mehrban kahan par KHuda-e-ishq

zindagī ke raste par kyuuñ khaḌā huā huuñ maiñ
aate jaate logoñ se kyā savāl karnā hai

yar aaj maine bhi ek kamal karna hai

tirā ḳhayāl agar juzv-e-zindagī na rahe
jahāñ meñ mere liye koī dilkashī na rahe

tera KHayal agar juzw-e-zindagi na rahe