Tags-Zindagi

chāhā hai tujh ko tujh pe luTā.ī hai zindagī
tere alāva kuchh mirā dīn-o-dharam nahīñ

adab hī zindagī meñ jab na aayā
adab meñ itnī mehnat kis liye hai

kyuuñ aa.e ham ai parī halchal meñ hai zindagī
aafat hai tere gale āñdhī hai bhauñchāl hai

kitāb-e-zindagī kī ye muqaddas āyateñ haiñ
hiran chītal chikāre titliyāñ jugnū parinde

mirī zindagī kī kitāb kā hai har ik varaq yuuñ sajā huā
kahīñ āñsuoñ se likhā huā kahīñ shoḳhiyoñ se bharā huā

mohabbat
zindagī kā ārizī Thikānā hai

ab zindagī ro ro ke guzāreñge nahīñ ham
ye bojh to hai bojh utāreñge nahīñ ham

zindagī apnī jab is shakl se guzrī 'ġhālib'
ham bhī kyā yaad kareñge ki ḳhudā rakhte the

zindagī ham ko mohabbat kī ijāzat de de
hasb-e-taufīq tirā shukr kiye jā.eñge

guzar rahe haiñ shab o roz be-sabab mere
ye zindagī to nahīñ sirf zindagī sī hai

zindagī kā har nafas mamnūn hai tadbīr kā
vā.izo dhokā na do insān ko taqdīr kā

yaad kar ke vasl ke pal kaaT leñge zindagī
darmiyāñ jab bhī hamāre dūriyāñ aa jā.eñgī

bichhaḌnā bhī tumhārā jīte-jī kī maut hai goyā
use kyā ḳhaak lutf-e-zindagī jis se judā tum ho

tumhārī furqat meñ tañg aa kar ye marne vāloñ kā faisla hai
qazā se jo ham-kanār hogā use na.ī zindagī milegī

vajūd-e-zan se hai tasvīr-e-kā.enāt meñ rañg
isī ke saaz se hai zindagī kā soz-e-darūñ

ye zindagī vo taptā huā regzār hai
jis meñ kahīñ na saaya na shāḳh-e-shajar mile

zindagī uljhī hai bikhre hue gesū kī tarah
ġham piye jaate haiñ umDe hue aañsū kī tarah

sunahrī sā.ateñ mansūb haiñ tire ġham se
palaT ke dekh zarā merī zindagī kā varaq

to mirī zindagī banogī tum
mar gayā maiñ to kyā rahogī tum

nizām-e-kohna kā paḌhte haiñ vo qasīda phir
jo raqs-e-maut ko bhī zindagī samajhte haiñ