English
Favourite
Favourite
UrduShayarUrduShayar
Expand menu
Sign inAccount

Tags-Zindagi

terī nigah se tujh ko ḳhabar hai ki kyā huā
dil zindagī se bār-e-digar āshnā huā
Ghazal
 teri nigah se tujhko KHabar hai ki kya hua
bikhre haiñ zindagī ke kuchh is tarah tār-o-pūd
har zarra apne-āp meñ mahshar-numā huā
Ghazal
 teri nigah se tujhko KHabar hai ki kya hua
safar pe nikle the jab zindagī giraft meñ thī
ma.āl-e-kār bas ik mauja-e-havā Thahre
Ghazal
 jab ek bar kisi intiha pe ja Thahre
har ik ke tajarbe se muḳhtalif hai tajraba merā
na kyuuñ sab se alag ho zindagī par tabsira merā
Ghazal
 har ek ke tajarbe se muKHtalif hai tajraba mera
dekh Daale zindagī meñ vasl-o-furqat ke tilism
ġham kabhī aisā na thā rāhat kabhī aisī na thī
Ghazal
 karobar-e-ishq ki kasrat kabhi aisi na thi
zindagī kī kashmakash se mar ke paa.ī kuchh najāt
is se pahle ai 'nazar' fursat kabhī aisī na thī
Ghazal
 karobar-e-ishq ki kasrat kabhi aisi na thi
zindagī ik hādsa hai aur kaisā hādsa
maut se bhī ḳhatm jis kā silsila hotā nahīñ
Sher
 zindagi ek hadsa hai aur kaisa hadsa
zindagī tere tamāñchoñ se hazar
roz do chaar lagā detī hai
Ghazal
 dil ko aazar laga deti hai
jalva-e-dār idhar jannat-e-dīdār udhar
zindagī aaj dorāhe pe khaḌī ho jaise
Ghazal
 ashk yun bahte hain sawan ki jhaDi ho jaise
jur.a-e-talḳh bhī hai jām-gavārā bhī hai
zindagī jashn-gah-e-bāda-kashī hai yaaro
Ghazal
 shaKH-e-gul hai ki ye talwar khinchi hai yaro
zindagī ho ga.ī hai be-tartīb
ab Thikāne pe koī chiiz nahīñ
Nazm
 zindagi se mukalima
zindagī ho ga.ī hai be-tartīb
ab Thikāna nahīñ rahā koī
Nazm
 zindagi se mukalima
hayāt-e-ishq umīdoñ pe kāTne vaalo
ḳhabar bhī hai ki umīdoñ kī zindagī kam hai
Ghazal
 KHulus-e-sajda har ek haal mein muqaddam hai
saḳht jān-levā hai sādgī mohabbat kī
zahr kī kasauTī par zindagī ko kastī hai
Ghazal
 zahr-e-chashm-e-saqi mein kuchh ajib masti hai
zindagī ek kahānī ke sivā kuchh bhī nahīñ
log kirdār nibhāte hue mar jaate haiñ
Ghazal
 karb chehron pe sajate hue mar jate hain
numāyāñ hai vahī raj.at-pasandī
nizām-e-zindagī badlā kahāñ se
Ghazal
 hijabaat uTh rahe hain darmiyan se
kaun thā āḳhir vo jis kī zaat se
zindagī kā zāviya raushan huā
Ghazal
 karbala ka rasta raushan hua
kūche meñ zindagī ke talāsh-e-sukūn meñ
ik yug bhaTak ke maiñ ne guzārā hai in dinoñ
Ghazal
 insan hawas ke rog ka mara hai in dinon
kahā jo maiñ ne ki mar jā.ūñgā to kahte haiñ
hamāre zā.iche meñ zindagī nikaltī hai
Ghazal
 ye baat baat mein kya nazuki nikalti hai
hujūm-e-ġham meñ kis zinda-dilī se
musalsal kheltā huuñ zindagī se
Ghazal
 hujum-e-gham mein kis zinda-dili se
Top Urdushayar.com