Tags-Zindagi

magar phir zindagī bhar bandagī duniyā kī hai varna
kise achchhā nahīñ lagtā hai thoḌā sā ḳhudā honā

dil hī rah-e-talab meñ na khonā paḌā mujhe
haath apnī zindagī se bhī dhonā paḌā mujhe

zindagī meñ bārhā aise bhī lamhe aa.e haiñ
guftugū sharmā ga.ī hai ḳhāmushī ke sāmne

ittifāqan tumhāre milne ko
zindagī kā husūl kahtā huuñ

dard ab dil kī davā ho jaise
zindagī ek sazā ho jaise

ye kis ne chun ke masarrat ke phuul dāman se
ġhamoñ kā bojh mirī zindagī ke naam kiyā

vo hayāt-e-ārzī kyā jo davām tak na pahuñche
vo usūl-e-zindagī kyā jo nizām tak na pahuñche

zindagī bhar jinheñ jaañ kah ke pukārā gayā 'shauq'
vahī siine se mire sūrat-e-shamshīr lage

ḳhirāmāñ sā.ateñ lekin mujhe kab raas aa.ī haiñ
sukūñ lā-hāsilī kā be-natīja zindagī kā bāb-e-avval hai

usī hujūm meñ laḌ-bhiḌ ke zindagī kar lo
rahā na jā.egā duniyā se duur jā kar bhī

maiñ ne kahā ki zindagī dard diyā gayā mujhe
maiñ ne kahā ki āgahī zahr pilā diyā gayā

zindagī jis ke tasavvur meñ basar kī ham ne
haa.e vo shaḳhs haqīqat meñ kahānī niklā

jahāñ lutf-e-sair na pā sake na jahāñ kā haal batā sake
jahāñ zindagī meñ na jā sake vahāñ log mar ke chale ga.e

zindagī dī hai to jiine kā hunar bhī denā
paañv baḳhsheñ haiñ to taufīq-e-safar bhī denā

sukh kī bohtāt hai zindagī zaḳhm de
merā dukh baañT kar phir koī zaḳhm de

tū mujhe zindagī kā qarīna sikhā
mujh pe ehsān kar dil-lagī zaḳhm de

vo ek din intizār kā din
phir zindagī bhar vo din rahā hai

yahī hai zindagī to zindagī se ḳhud-kushī achchhī
ki insāñ ālam-e-insāniyat par baar ho jaa.e

kisī unvān se kabhī 'ābid'
zindagī ham ko raas aa.ī nahīñ

zindagī ek guzartī huī parchhā.īñ hai
ā.īna dekhtā rahtā hai tamāshā apnā