Tags-Zindagi

uThne vaalī hai bazm maazī kī
raushnī kam hai zindagī kam hai

ye bhī nazm-e-hayāt hai koī
zindagī zindagī kā mātam hai

ik muamma hai zindagī ai dost
ye bhī terī adā-e-mub.ham hai

ai mohabbat tū ik azaab sahī
zindagī be tire jahannam hai

har saañs ke saath kar rahe haiñ
guzrī huī zindagī kā mātam

tirā ā.īna huuñ maiñ zindagī tire aks kā maiñ amiin huuñ
hai mirī shikast tirā ziyāñ mujhe rakh bachā ke sambhāl ke

vo merī zindagī par hukmarāñ haiñ
mire bas meñ na ye tan hai na man hai

kitnā mushkil hai zindagī karnā
aur na socho to kitnā āsāñ hai

har-ik lamhe mujhe rahtī hai taaza ik shikāyat
kabhī tujh se kabhī ḳhud se kabhī is zindagī se

adab ke dā.ere ko de dī vus.at saare aalam kī
ki us kī ābiyārī kī barā.e zindagī ham ne

zindagī
ek din

zindagī bhiik bhī detī hai to qīmat le kar
roz fariyād kā andāz badalte rahiye

na.ī zindagī kī na.ī ḳhvāhishoñ ne
ġhamoñ ko sameTā ḳhushī ko bikherā

koī maane na maane is ko lekin ye haqīqat hai
ham apnī zindagī meñ ġhaib ko shāmil samajhte haiñ

zindagī āḳhir huī lekin havas kī had nahīñ
qabr banñe ko hai aur bantā hai kāshāna hanūz

hamārā maqsad-e-avval hai jazb-e-shauq-o-sar-mastī
yahī vo zindagī hai jis ko ham kāmil samajhte haiñ

'kalīm' ahl-e-takallum kī subuk bātoñ se kyuuñ uljheñ
ham apnī zindagī ko sahl yā mushkil samajhte haiñ

zindagī bhar kī masāfat kā mudāvā kahiye
us kī bāhoñ meñ jo ārām liyā āḳhir-e-shab

khulā ye raaz ki ye zindagī bhī hotī hai
bichhaḌ ke tujh se hameñ ab ḳhushī bhī hotī hai

murdoñ kī zindagī ke liye kyā duā kareñ
is past āgahī ke liye kyā duā kareñ